ന്യൂഡൽഹി: കാർബൺ രഹിത ഗതാഗതത്തിനായി തുടക്കം കുറിച്ച് ഡിജിറ്റൽ ട്രാൻസ്ഫോമേഷൻ, കൺസൾട്ടിംഗ്, ബിസിനസ് റീ- എൻഞ്ചിനീയറിംഗ് സേവനങ്ങൾക്ക് മുൻ നിരയിൽ നിൽക്കുന്ന കമ്പനിയായ ടെക് മഹീന്ദ്ര. നോയിഡയിലെ കമ്പനി ജീവനക്കാർക്കായി ഗ്രീൻ ട്രാൻസ്പോർട്ടേഷൻ പദ്ധതിയാണ് ആരംഭിച്ചിരിക്കുന്നത്. ഇതിലൂടെ കാർബൺ രഹിത ഗതാഗതം എന്ന കമ്പനിയുടെ സ്വപ്നമാണ് ലക്ഷ്യമിടുന്നതെന്ന് ടെക് മഹീന്ദ്ര ഗ്രൂപ്പ് പറഞ്ഞു.
പദ്ധതിയുടെ ഭാഗമായി പ്രതിദിനം 5 യാത്രകൾ നടത്താൻ കഴിയുന്ന വാഹനങ്ങളാണ് കമ്പനി ജീവനക്കാർക്കായി നിരത്തിലിറക്കുന്നത്. ഈ വാഹനങ്ങൾ 250 കിലോ മീറ്റർ താണ്ടുമെന്നും മാസം 13,500 ലിറ്റർ ഇന്ധനം ലാഭിക്കുമെന്നും കമ്പനി അറിയിച്ചു. ഇതുവഴി ഹരിതഗൃഹ വാതകങ്ങളുടെ ഉദ്വമനം കുറയ്ക്കാനാണ് കമ്പനി ലക്ഷ്യം. കാർബൺ ഉദ്വമനം കുറച്ച് സുസ്ഥിര വികസനമാണ് ലക്ഷ്യമിടുന്നതെന്നും പരിസ്ഥിതിയിലും മനുഷ്യനിലും ശ്രദ്ധ കേന്ദ്രീകരിച്ച് ഗ്രീൻ മൊബിലിറ്റിയിലേക്ക് മാറാനാണ് ഉദ്ദേശിക്കുന്നതെന്നും ടെക് മഹീന്ദ്രയുടെ ഗ്ലോബൽ ചീഫ് പീപ്പിൾ ഓഫീസറും മാർക്കറ്റിംഗ് ഹെഡുമായ ഹർഷവേന്ദ്ര സോയിൻ പറഞ്ഞു.
