കായിക താരങ്ങളുടെ ജീവിതം പറയുന്ന സിനിമകളെ ഇരും കൈയ്യും നീട്ടിയാണ് എപ്പോഴും ആരാധകര് വരവേല്ക്കുന്നത്. അത് ധോണിയുടേതായാലും മില്ക്കാ സിംഗിന്റേതായും മേരികോമിന്റേതായാലും നമ്മള് കണ്ടതാണ്. ബോക്സ് ഓഫീസില് ഓളം സൃഷ്ടിക്കാന് കഴിയുന്നതായിരുന്നു ഓരോ സ്പോര്ട്സ് ഡ്രാമ സിനിമകളും
ആ ഗണത്തിലേക്ക് ഒന്നുകൂടി അണിയറിയില് ഒരുങ്ങുകയാണ്. ബംഗാള് കടുവയെന്ന ഇന്ത്യന് പുരുക്ഷ ക്രിക്കറ്റ് ടീം മുന്നായകന് സൗരവ് ഗാംഗുലിയുടെ ജീവിതമാണ് ബിഗ് സ്ക്രീനില് എത്തുക. ഇതുസംബന്ധിച്ച വാര്ത്തകള് താരം തന്നെ നേരത്തെ സ്ഥിരീകരിച്ചിരുന്നു. ഇപ്പോഴിത ആരാകും ഗാംഗുലിയെ അഭ്രപാളിയിലെത്തിക്കുക എന്നത് സംബന്ധിച്ച് സ്ഥിരീകരണമായെന്ന് സൂചന.
പിങ്ക് വില്ല റിപ്പോര്ട്ട് ചെയ്യുന്നതനുസരിച്ച് ആയുഷ്മാന് ഖുറാനയാകും റീല്സില് സൗരവ് ഗാംഗുലിയായി എത്തുക എന്നാണ് വിവരം. ചിത്രം സംവിധാനം ചെയ്യുക ഐശ്വര്യ രജനികാന്ത് ആണെന്നും സൂചനയുണ്ട്. ആദ്യം ഇതിഹാസമാകാന് പരിഗണിച്ചിരുന്നത് റണ്ബീര് കപ്പൂറിനെയായിരുന്നു.
എന്നാല് കഥാപാത്രം ആയുഷ്മാന് ഖുറാനയിലേക്ക് എത്തുകയായിരുന്നു.
ചിത്രത്തിനായി ബോളിവുഡ് താരം ഒരുക്കം തുടങ്ങിയിട്ടുണ്ട്. വലിയൊരു ട്രെയിനിംഗ് തന്നെ താരം ഇതിനായി നടത്തുമെന്നാണ് സൂചന. ആയുഷ്മാനും ഗാംഗുലിയും കൂടികാഴ്ചകളും ചര്ച്ചകളും നടത്തിയെന്നും പിങ്ക് വില്ല റിപ്പോര്ട്ട് ചെയ്യുന്നു. ചിത്രത്തിന്റെ ആദ്യ ഷെഡ്യൂള് ഡിസംബറില് ഗാംഗുലിയുടെ നാടായ കൊല്ക്കത്ത സിറ്റിയിലാകും തുടങ്ങുക.
Comments