ഹൃദയസ്പർശിയായ നിരവധി വീഡിയോകൾ സമൂഹമാദ്ധ്യമങ്ങളിൽ വൈറലാകാറുണ്ട്. അത്തരത്തിലൊരു വീഡിയോയാണ് ഇപ്പോൾ ശ്രദ്ധ പിടിച്ചുപ്പറ്റുന്നത്. രക്ഷാബന്ധൻ ദിനത്തിൽ 80 വയസുകാരിയായ വൃദ്ധ തന്റെ ഇളയ സഹോദരന്റെ അടുത്തേയ്ക്ക് പോകുന്ന വീഡിയോയാണ് സമൂഹമാദ്ധ്യമങ്ങളിൽ വൈറലാകുന്നത്. സഹോദരങ്ങൾ തമ്മിലുള്ള ബന്ധം സൂചിപ്പിക്കുന്ന രക്ഷാബന്ധൻ ആഘോഷത്തിന് മാറ്റു കൂട്ടുകയാണ് ഈ ഹൃദയ സ്പർശിയായ വീഡിയോ.
സത്യവതി എന്ന സ്ത്രീയാണ് വീഡിയോയിലെ താരം. തന്റെ സഹോദരന് രാഖി കെട്ടി നൽകുന്നതിന് വേണ്ടിയാണ് ഈ വൃദ്ധ പൊരിവെയിലത്ത് ഇറങ്ങി നടക്കുന്നത്. നഗ്നപാദയായി ഏകദേശം എട്ട് കിലോമീറ്ററാണ് ഈ അമ്മ നടന്നത്. ഇളയ സഹോദരനായ മല്ലേശന് രാഖി കെട്ടി നൽകാൻ തെലങ്കാനയിലെ ജഗിത്യാല ജില്ലയിൽ നിന്നും കരിംനഗർ ജില്ലയിലേക്കാണ് വൃദ്ധ നടന്നു നീങ്ങിയത്. ഗ്രാമത്തിൽ നിന്നും ഇവിടേക്ക് ഗതാഗത മാർഗം ഇല്ലായിരുന്നു. വളരെ പെട്ടെന്ന് തന്നെ വീഡിയോ സമൂഹമാദ്ധ്യമങ്ങളിൽ ഇടം പിടിച്ചു.
കാലിൽ ചെരുപ്പില്ലാതെ വൃദ്ധയായ സ്ത്രീ നടന്നു നീങ്ങുന്ന ദൃശ്യങ്ങളാണ് വീഡിയോയിലുള്ളത്. ഇത് വഴി പോയ യുവാവാണ് ദൃശ്യങ്ങൾ പകർത്തിയത്. ഇദ്ദേഹം അമ്മയോട് എവിടേക്കാണ് പോകുന്നത് എന്ന് ചോദിച്ചപ്പോൾ സഹോദരന് രാഖി കെട്ടാൻ പോകുകയാണെന്നായിരുന്നു മറുപടി.
Comments