ന്യൂഡൽഹി: ഫിഫ ലോകകപ്പ്, എഎഫ്സി ഏഷ്യൻ കപ്പ് യോഗ്യത മത്സരങ്ങൾക്ക് ഇന്ത്യ വേദിയാകും. ഭുവനേശ്വറും ഗുവാഹത്തിയുമാണ് യോഗ്യത മത്സരങ്ങൾക്ക് വേദിയാകുക. എഎഫ്സി കപ്പിനുളള യോഗ്യത റൗണ്ടിൽ ഖത്തർ, കുവൈറ്റ് എന്നീ രാജ്യങ്ങൾക്കൊപ്പെം ഗ്രൂപ്പ് എയിലാണ് ഇന്ത്യ. അഫ്ഗാനിസ്ഥാൻ – മംഗോളിയ മത്സരത്തിലെ വിജയിയും ഗ്രൂപ്പ് ഏയിൽ ഉൾപ്പെടും. എഎഫ്സിയിലെ ഇന്ത്യയുടെ ആദ്യ മത്സരം കുവൈറ്റിനെതിരെ അവരുടെ തട്ടകത്തിലാണ്. നവംബർ 21ന് ഭുവനേശ്വറിലാണ് ഇന്ത്യയുടെ ആദ്യ ഹോം മത്സരം. എഎഫ്സി കപ്പിന്റെ ആദ്യ രണ്ട് റൗണ്ടുകൾ ലോകകപ്പ് യോഗ്യത റൗണ്ട് കൂടിയാണ്.
2024 മാർച്ച് 21 ന് അഫ്ഗാനിസ്ഥാൻ – മംഗോളിയ മത്സരത്തിലെ വിജയിയെ അവരുടെ തട്ടകത്തിൽ ഇന്ത്യ നേരിടും. രണ്ടാം പാദ മത്സരങ്ങൾ ഗുവാഹത്തിയിലും നടക്കും. 2024 ജൂൺ 6ന് കുവൈറ്റുമായി നടക്കുന്ന ഹോം മത്സരത്തിന്റെ വേദി ഉടൻ പ്രഖ്യാപിക്കും. എഎഫ്സി കപ്പിന്റെ ആദ്യ രണ്ട് റൗണ്ടുകൾ ലോകകപ്പ് യോഗ്യത റൗണ്ട് കൂടിയാണ്.
