സാമ്പത്തിക ഇടപാടുകൾക്കുൾപ്പെടെ ഇപ്പോൾ ക്യൂആർകോഡ് സംവിധാനമാണ് അധികവും ഉപയോഗിച്ചു വരുന്നത്. എന്നാൽ ഇവയിലും ശ്രദ്ധിക്കേണ്ടതായ ചില കാര്യങ്ങളുണ്ട്. ഇപ്പോഴിതാ ഇതു സംബന്ധിച്ച് കേരളാ പോലീസ് പങ്കുവെച്ച പോസ്റ്റാണ് ശ്രദ്ധേയമാകുന്നത്. ലിങ്ക് തുറക്കുമ്പോഴുള്ള യുആർഎൽ സുരക്ഷിതമാണെന്നും വിശ്വസനീയമാ ഉറവിടത്തിൽ നിന്നാണ് ഇതുള്ളതെന്നും ഉറപ്പുവരുത്തണമെന്ന് പോലീസ് പങ്കുവെച്ച പോസ്റ്റിൽ പറയുന്നു. കോഡ് സ്കാനർ ആപ്പ് സെറ്റിംഗ്സിൽ ഓപ്പൺ യുആർഎൽ ഓട്ടോമാറ്റിക്കലി എന്ന ഓപ്ഷൻ ആവശ്യമുള്ളത് പോലെ സെറ്റ് ചെയ്ത് വെയ്ക്കാനാകും. നമ്മുടെ അറിവോടെ മാത്രം വെബ്സൈറ്റിൽ പ്രവേശിക്കുന്നതിനുള്ള അനുമതി നൽകുന്നതാണ് നല്ലതെന്ന് പറയുന്നു.
കുറിപ്പ് ഇങ്ങനെ….
ആധുനികജീവിതത്തിൽ QR കോഡുകളുടെ സ്ഥാനം ഒഴിവാക്കാനാവാത്ത വിധം മാറിക്കഴിഞ്ഞു. QR കോഡുകൾ സ്കാൻ ചെയ്യുമ്പോൾ അറിഞ്ഞിരിക്കേണ്ട ചില വസ്തുതകൾ ഉണ്ട്.
1. QR കോഡ് ഉപയോഗിച്ച് ഒരു ലിങ്ക് തുറക്കുമ്പോൾ, URL സുരക്ഷിതമാണെന്നും വിശ്വസനീയമായ ഉറവിടത്തിൽ നിന്നാണ് വരുന്നതെന്നും ഉറപ്പാക്കേണ്ടത് പ്രധാനമാണ്.
2. ഇമെയിലിലെയും SMS ലെ യും സംശയകരമായ ലിങ്കുകൾ ക്ലിക്കുചെയ്യുന്നത് അപകടകരമെന്നതുപോലെ QR കോഡുകൾ നയിക്കുന്ന URL-കൾ എല്ലാം ശരിയാകണമെന്നില്ല. ഫിഷിംഗ് വെബ്സൈറ്റിലേക്ക് നിങ്ങളെ കൊണ്ടുപോകാൻ അതിനു കഴിഞ്ഞേക്കും.
3. QR കോഡ് സ്കാനർ APP- സെറ്റിംഗ്സിൽ ‘open URLs automatically’ എന്ന ഓപ്ഷൻ നമ്മുടെ യുക്താനുസരണം സെറ്റ് ചെയ്യാം. നമ്മുടെ അറിവോടെ വെബ്സൈറ്റുകളിൽ പ്രവേശിക്കാനുള്ള അനുമതി നൽകുന്നതാണ് ഉചിതം.
4. അറിയപ്പെടുന്ന സേവന ദാതാക്കളിൽ നിന്ന് മാത്രം QR കോഡ് ജനറേറ്റ് ചെയ്യുക.
5. QR കോഡ് ഉപയോഗിച്ചുള്ള ഇടപാടുകൾ നടത്തിയ ഉടനെ അക്കൗണ്ടിലെ ട്രാൻസാക്ഷൻ വിശദാംശങ്ങൾ പരിശോധിച്ച് ഉറപ്പുവരുത്തുക.
6. കസ്റ്റം QR കോഡ് ആപ്പുകൾ ഡൗൺലോഡ് ചെയ്യുന്നത് ഒഴിവാക്കുക..
7. QR കോഡ് സ്കാൻ ചെയ്യാൻ കഴിയുന്നതും ഉപകരണ നിർമ്മാതാവ് നൽകുന്ന വിശ്വസനീയമായ ആപ്പുകൾ ഉപയോഗിക്കുക.
