സര്ക്കാര് ഉദ്യോഗസ്ഥരുടെ ഐഫോണ് ഉപയോഗം നിരോധിച്ച് ചൈനീസ് സര്ക്കാര്. വാള്സ്ട്രീറ്റ് ജേണലാണ് ഇതുസംബന്ധിച്ച വാര്ത്ത റിപ്പോര്ട്ട് ചെയ്തത്. ആപ്പിളിന്റെ ഐഫോണുകളും മറ്റ് വിദേശ ബ്രാന്ഡഡ് ഉപകരണങ്ങളും ജോലിക്ക് ഉപയോഗിക്കരുതെന്നും ഓഫീസിലേക്ക് കൊണ്ടുവരരുതെന്നും കേന്ദ്ര സര്ക്കാര് ഏജന്സികളിലെ ഉദ്യോഗസ്ഥരോട് ചൈന ഉത്തരവിട്ടതായി വാള്സ്ട്രീറ്റ് ജേണല് ബുധനാഴ്ച റിപ്പോര്ട്ട് ചെയ്തിരുന്നു.
ഇക്കഴിഞ്ഞ ആഴ്ചകളിലാണ് ഔദ്യോഗിക വാട്സ് ആപ്പ് ഗ്രൂപ്പുകളില് സര്ക്കാര് ജീവനക്കാര് മേലുദ്യോഗസ്ഥരുടെ നിര്ദ്ദേശങ്ങള് ലഭിച്ചത്. അതേസമയം ഇക്കാര്യം സ്ഥിരീകരിക്കുന്ന ഉത്തരവുകള് ഒന്നും ഇതുവരെ പുറത്തുവന്നിട്ടില്ല.
അടുത്തയാഴ്ച നടക്കാനിരിക്കുന്ന ആപ്പിള് ഇവന്റിന് മുന്നോടിയായാണ് നിരോധനം വരുന്നത്. ഇവന്റില് പുതിയ ഐഫോണുകള് അവതരിപ്പിക്കുമെന്ന് അനലിസ്റ്റുകള് വ്യക്തമാക്കുന്നു. ചൈന-യുഎസ് ബന്ധം വഷളാകുന്നത് വിദേശ കമ്പനികള്ക്ക് ആശങ്കക്കിടയാക്കിയിട്ടുണ്ട്. ഒരു ദശാബ്ദത്തിലേറെയായി, വിദേശ സാങ്കേതിക വിദ്യകളെ ആശ്രയിക്കുന്നത് കുറയ്ക്കാന് ചൈന ശ്രമിക്കുന്നുണ്ട് ഇതിന്റെ ഭാഗമാണ് നിരോധമെന്നും വിലയിരുത്തലുണ്ട്.
Comments