ഹിറ്റായി യുപിഐ എടിഎം; ഭാരതത്തിന്റെ വളരുന്ന ഡിജിറ്റൽ സൗകര്യങ്ങളിൽ ആവേശം പ്രകടിപ്പിച്ച് ആനന്ദ് മഹീന്ദ്ര

ഡിജിറ്റൽ യുഗം അനുദിനം വളരുന്ന കാഴ്ചയ്‌ക്കാണ് രാജ്യം സാക്ഷ്യം വഹിക്കുന്നത്. ഇതിൽ ഏറ്റവും പുതിയ വിനിമയ സാങ്കേതികവിദ്യയായ യുപിഐ എടിഎമാണ് ഇപ്പോൾ വാർത്തകളിൽ ഇടം പിടിക്കുന്നത്.

സെപ്റ്റംബർ 5-ന് മുംബൈയിലെ ഗ്ലോബൽ ഫിൻടെക് ഫെസ്റ്റിൽ അനാച്ഛാദനം ചെയ്ത യുപിഐ എടിഎമ്മിന്റെ പ്രവർത്തനങ്ങൾക്ക് ആശംസകൾ നേർന്ന് ആനന്ദ് മഹീന്ദ്രയും എത്തിയതോടെ എടിഎമ്മിന്റെ പ്രചാരം വർദ്ധിക്കുകയാണ്. നമ്മുടെ രാജ്യത്ത് സാങ്കേതികവിദ്യകൾ മികച്ച സേവനമാണ് കാഴ്ചവെയ്‌ക്കുന്നത്. മുമ്പ് കോർപ്പറേറ്റ് കമ്പനികൾ അടക്കി വാണിരുന്ന മേഖലകൾ ഇനി ഉപഭോതൃ കേന്ദ്രീകൃതമായിരിക്കുമെന്നും ഇത് ഡിജിറ്റൽ മേഖലയിലേക്കുള്ള പുതിയ ചുവടുവെയ്പ്പാണെന്നും ആനന്ദ് മഹീന്ദ്ര എക്‌സിൽ കുറിച്ചു.

This UPI ATM was apparently unveiled at the Global Fintech Fest 2023 in Mumbai on September 5. The speed at which India is digitising financial services & making them consumer-centric as opposed to corporate-centric (Alarm bell for credit card companies?) is simply dazzling.… pic.twitter.com/krBXhbc9Qh

— anand mahindra (@anandmahindra) September 7, 2023

“>

കാർഡില്ലാതെ എടിഎമ്മിൽ നിന്നും പണെടുക്കാൻ സാധിക്കുന്ന സംവിധാനമാണ് യുപിഐ എടിഎം. രാജ്യത്തെ ആദ്യത്തെ യുപിഐ എടിഎം ആണ് ഹിറ്റാച്ചി അവതരിപ്പിച്ചിരിക്കുന്നത്. എടിഎം കാർഡുകൾ ദുരുപയോഗം ചെയ്യുന്നത് തടയുന്നതിന് ഈ സംവിധാനം സഹായിക്കുന്നതാണ്.