ഹിറ്റ് മേക്കർ ലോകേഷ് കനക് രാജ് ഒരുക്കുന്ന ബിഗ്ബജറ്റ് ചിത്രത്തിൽ നായകനായി സൂപ്പർസ്റ്റാർ രജനികാന്ത്. ‘തലൈവർ 171’ എന്ന് പേരിട്ടിരിക്കുന്ന ചിത്രം നിർമ്മിക്കുന്നത് സൺ പിക്‌ചേഴ്‌സാണ്. ആക്ഷൻ ത്രില്ലറാകും ചിത്രമെന്നാണ് റിപ്പോർട്ട്. അനിരുദ്ധാണ് ചിത്രത്തിന്റെ സംവിധാനം. സൺ പിക്‌ചേഴ്‌സാണ് അത് സംബന്ധിച്ച അപ്‌ഡേറ്റ് പങ്കുവെച്ചത്. മറ്റ് വിവരങ്ങൾ പുറത്തുവിട്ടില്ല.
ലോകേഷും രജനിയും ഒന്നിക്കുമെന്ന് റിപ്പോർട്ടുകൾ ഉണ്ടായിരുന്നുവെങ്കിലും ഔദ്യോഗിക സ്ഥീരികരണമുണ്ടായത് ഇപ്പോഴാണ്. നേരത്തെ ഈ ചിത്രത്തെ പറ്റിയുള്ള സംവിധായകൻ മിഷ്‌കിന്റെ അഭിമുഖം ഏറെ ചർച്ചകൾക്ക് വഴിയൊരുക്കിയിരുന്നു. രജനിയുടെ അവസാന ചിത്രമായിരിക്കുമെന്നും ലോകേഷിനെ ഈ ചിത്രം ചെയ്യാൻ തിരഞ്ഞെടുത്തത് അഭിമാനിക്കാനുള്ള സിനിമയാണെന്നാണ് മിഷ്‌കിൻ പറഞ്ഞത്.
ജയിലറിലെ മുത്തുവേൽ പാണ്ഡ്യനുമായി സാമ്യമുള്ള ഒരു വേഷമാണ് രജനിക്കായി ലോകേഷ് ആലോചിച്ചത് എന്നാണ് വിവരം. ജയിലർ വൻ ഹിറ്റായതോടെ ഈ കഥാപാത്രം ആവർത്തനമായേക്കുമെന്നാണ് വിലയിരുത്തപ്പെടുന്നത്.
