ഏഷ്യാകപ്പിലെ സൂപ്പർ പോരാട്ടത്തിന് ഇന്ത്യൻ ക്രിക്കറ്റ് ടീമിന് നിറങ്ങളിൽ ചാലിച്ച അഭിനന്ദനവുമായി പ്രശസ്ത സാൻഡ് ആർട്ടിസ്റ്റ് സുദർശൻ പട്‌നായിക്. മഴ പോലും രക്ഷിക്കാത്ത പാകിസ്താനെ നിലം പരിശാക്കി ഇന്ത്യ രണ്ടാം വിജയം സ്വന്തമാക്കിയത് ഇന്നലെയാണ്. ഇതിന്റെ ആഹ്ലാദ പ്രകടനങ്ങൾ രാജ്യത്ത് അലയടിക്കുമ്പോൾ കടൽ തീരത്തെ മണൽത്തരികളിൽ വർണശബളമായ ക്രിക്കറ്റ് ബാറ്റും ഒരു പടുകൂറ്റൻ ബോളും കാണാം. മണൽ തിട്ടയിൽ ‘ കൺഗ്രാജുലേഷൻ ഭാരത്’ എന്ന് നിറങ്ങളിൽ ആലേഖനം ചെയ്തിരിക്കുന്ന ബാറ്റാണ് സുദർശൻ പട്‌നായിക് ക്രിക്കറ്റ് ടീമിനും ഓരോ ഭാരതീയനും സമ്മാനിക്കുന്നത്.
#WATCH | Puri, Odisha: Sand artist Sudarsan Pattnaik creates sand art to congratulate Team India this morning after their 228-run victory against Pakistan in the Asia Cup.
(Source: Sudarsan Pattnaik) pic.twitter.com/DR61tNZmo8
— ANI (@ANI) September 12, 2023
“>
മഴ മാറിയ ശേഷം കളി ആരംഭിച്ചപ്പോൾ ആദ്യ ഇന്നിംഗ്‌സിൽ പേരു കേട്ട പാക് പേസ് നിരയെ അടിച്ചു തർത്താണ് ഇന്ത്യൻ ബാറ്റ്‌സ്മാൻന്മാർ കൂറ്റൻ സ്‌കോർ പടുത്തുയർത്തിയത്. ആദ്യ ഓവറിൽ തന്നെ പാകിസ്താന്റെ വിക്കറ്റ് പോയതോടെ കാലിടറിയ ടീം ഇന്ത്യയുടെ 357 എന്ന സ്‌കോറിനു മുന്നിൽ മൂക്കു കുത്തി വീഴുകയായിരുന്നു. രോഹിത്ശർമ്മയുടെ നേതൃത്വത്തിൽ ഇന്ത്യ മികച്ച പ്രകടനം കാഴ്‌ച്ച വെച്ചപ്പോൾ 5 വിക്കറ്റെടുത്ത കുൽദീപ് യാദവാണ് പാക് നിരയെ ഛിന്നഭിന്നമാക്കിയത്. ഹാർദ്ദിക് പാണ്ഡ്യ, ജസ്പ്രീത് ബുമ്ര, ഷർദൂൽ താക്കൂർ എന്നിവർ ഓരോ വിക്കറ്റ് വീതവും നേടി.
