ടോവിനോ നായകനായെത്തിയ തീവണ്ടി എന്ന സിനിമയിലൂടെ മലയാളികളുടെ ഹൃദയത്തിൽ ചേക്കേറിയ നടിയാണ് സംയുക്ത. നിലവിൽ തെലുങ്ക് സിനിമയിൽ സജീവമായിരിക്കുകയാണ് നടി. ഭീംല നായകിലൂടെയാണ് തെലുങ്കില് ആദ്യമായി താരം നായികയായി എത്തുന്നത്. തുടർന്ന് ചെയ്ത ചിത്രങ്ങളെല്ലാം വമ്പൻ വിജയങ്ങളായി മാറുകയും ചെയ്യ്തു.
‘കാര്ത്തികേയ’ എന്ന ഹിറ്റിലൂടെ ശ്രദ്ധയാകര്ഷിച്ച നിഖില് സിദ്ധാര്ഥ നായകനാകുന്ന പുതിയ ചിത്രമാണ് സ്വയംഭൂ. ചിത്രത്തിൽ നായികയായി എത്തുന്നത് സംയുക്തയാണ്. ഇപ്പോഴിതാ സ്വയംഭൂ എന്ന പുതിയ ചിത്രത്തിലെ പോസ്റ്ററാണ് ശ്രദ്ധനേടുന്നത്. സംയുക്തയുടെ ക്യാരക്ടര് പോസറ്ററാണ് പുറത്തുവിട്ടിരിക്കുന്നത്.
പോസ്റ്റർ കണ്ടതോടെ അപ്സരസാണോ എന്നാണ് ആരാധകര് ചോദിക്കുന്നത്. വേഷമെന്തെന്ന് സ്വയംഭൂവിന്റെ അണിയറ പ്രവര്ത്തകര് പുറത്തുവിട്ടിട്ടില്ല. ഒരു വമ്പൻ ഹിറ്റാണ് ഒരുങ്ങുന്നതെന്ന സൂചനയാണ് പോസ്റ്ററും നല്കുന്നത്. ഒരു ഹിസ്റ്റോറിക്കല് ഡ്രാമയാണ് സ്വയംഭൂ. ഭരത് കൃഷ്ണമാചാരിയാണ് ചിത്രം സംവിധാനം ചെയുന്നത്. നിഖില് സിദ്ധാര്ഥയും സംയുക്തയും ഒന്നിക്കുന്ന ചിത്രം വൻ ഹിറ്റാകുമെന്നാണ് ആരാധകര് പ്രതീക്ഷിക്കപ്പെടുന്നത്. ചിത്രത്തിലനായി സംഗീതം ഒരുക്കുന്നത് രവി ബസ്രുര് ആണ്.
അവസാനമായി സംയുക്ത നായികയായി പ്രദര്ശനത്തിനെത്തിയ ചിത്രം വിരൂപാക്ഷയാണ്. സായ് ധരം തേജ് നായകനായ ചിത്രം വൻ വിജയമായിരുന്നു. അടുത്തതായി ഡെവിള് എന്ന തെലുങ്ക് ചിത്രത്തിലും താരം നായികയായി വേഷമിടുന്നുണ്ട്. ഡെവിളില് നൈഷാധയായിട്ടാണ് സംയുക്ത എത്തുന്നത്. ചിത്രം സംവിധാനം ചെയുന്നത് അഭിഷേക നമയാണ്. കല്യാണ്റാം നന്ദാമുരിയാണ് നായകനായി എത്തുന്നത്.
