അമരാവതി: ബ്രിട്ടീഷ് പ്രധാനമന്ത്രി ഋഷി സുനകിന്റെ മാതാപിതാക്കളായ യഷ്വീറും ഉഷ സുനകും ആന്ധ്രാപദേശിലെ പ്രശ്സത ക്ഷേത്രമായ ശ്രീ രാഘവേന്ദ്ര സ്വാമി ക്ഷേത്രത്തിൽ ദർശനം നടത്തി. ഋഷി സുനകിന്റെ ഭാര്യമാതാവ് സുധ മൂർത്തിയോടൊപ്പമാണ് ഇരുവരും ക്ഷേത്ര ദർശനം നടത്തിയത്. ക്ഷേത്രത്തിലെ പ്രത്യേക പൂജകളിൽ പങ്കെടുക്കുകയും ക്ഷേത്ര പൂജാരിമാർക്ക് പുടവ സമ്മാനിച്ച് ആദരിക്കുകയും ചെയ്തു.
ക്ഷേത്ര ദർശനത്തിന് ശേഷം ഇവർ ഫേസ്ബുക്കിലൂടെ ചിത്രങ്ങൾ പങ്കുവെച്ചു. ക്ഷേത്ര ദർശന വേളയിൽ വസ്ത്രം, ഫല മന്ത്രക്ഷത, മെമന്റോ എന്നിവ നൽകിയാണ് ക്ഷേത്രത്തിലെ തിരുമേനി ശ്രീ സ്വാമിജി ഇവരെ സ്വീകരിച്ചത്.
ജി20 ഉച്ചകോടിയ്ക്ക് ശേഷം ഋഷി സുനക്കും ഭാര്യ അക്ഷതാ മൂർത്തിയും ഡൽഹിയിലെ അക്ഷർധാം ക്ഷേത്രത്തിൽ ദർശനം നടത്തിയിരുന്നു. ഇരുവരും ക്ഷേത്രത്തിലെ പൂജാരിമാരുമായി സംവദിക്കുകയും പൂജകൾ നടത്തുകയും ചെയ്തു. ജി20 ഉച്ചകോടിയ്ക്കായി ഇന്ത്യയിലേക്കുള്ള ഋഷി സുനകിന്റെ ആദ്യ ഔദ്യോഗിക സന്ദർശനമായിരുന്നു ഇത്.
