രാജ്യത്തിന് കിരീടങ്ങള്‍ നേടാന്‍ അയാള്‍ വ്യക്തിഗത നേട്ടങ്ങള്‍ ത്യജിച്ചു…! അദ്ദേഹം ഒരു അനുഗ്രഹമാണ്; ധോണിയെ വാനോളം പുകഴ്‌ത്തി ഗൗതം ഗംഭീര്‍

മഹേന്ദ്ര സിംഗ് ധോണിയുടെ ഏറ്റവും വലിയ വിമര്‍ശകന്‍ ഗൗതം ഗംഭീര്‍ എന്നാണ് പരക്കെ പറയപ്പെടുന്നത്. 2011- ലോകകപ്പ് വിജയത്തിന്റെ പശ്ചാത്തലത്തിലാണ് ഇത്തരം വിലയിരുത്തലുകള്‍ ഉണ്ടായിരിക്കുന്നത്. എന്നാലിപ്പോള്‍ ഈ വിമര്‍ശനങ്ങളെ അപ്പാടെ തള്ളി ധോണിയെ പ്രകീര്‍ത്തിച്ച് രംഗത്തെത്തിയിരിക്കുകയാണ് ഇന്ത്യയുടെ ഏകദിന ലോകകപ്പ് ഹീറോ ഗൗതം ഗംഭീര്‍.

ക്യാപ്റ്റന്‍സി കാരണം, ഒരു ബാറ്റര്‍ എന്ന നിലയില്‍ അദ്ദേഹത്തിന് നേടാന്‍ കഴിയുന്ന നേട്ടങ്ങളൊക്കെയും അദ്ദേഹം ഉപേക്ഷിച്ചു. ക്യാപ്റ്റനെന്ന നിലയില്‍ ടീമായിരിക്കണം ഏപ്പോഴും ഒന്നാം സ്ഥാനത്ത്. ക്യാപ്റ്റനായിരുന്നില്ലെങ്കില്‍, അദ്ദേഹത്തിന് മൂന്നാം നമ്പറില്‍ ബാറ്റ് ചെയ്യാനാകുയിരുന്നു. അങ്ങനെയെങ്കില്‍ ഏകദിനത്തിലെ പല റെക്കോര്‍ഡുകളും അദ്ദേഹം തകര്‍ക്കമായിരുന്നുവെന്ന് എനിക്ക് ഉറപ്പുണ്ട്. അദ്ദേഹം ധാരാളം കിരീടങ്ങള്‍ നേടിയിട്ടുണ്ട്, എന്നാല്‍ വ്യക്തിഗതമായി അദ്ദേഹം തന്റെ അന്താരാഷ്‌ട്ര റണ്‍സുകള്‍ കിരീട നേട്ടങ്ങള്‍ക്കായി ത്യജിച്ചു, ”-ഗംഭീര്‍ അഭിപ്രായപ്പെട്ടു.

നേരത്തെയൊക്കെ കീപ്പര്‍മാരായി ടീമിലെത്തുന്നവര്‍ പിന്നീടാണ് ബാറ്റര്‍മാരാകുന്നത്. എന്നാല്‍ എം.എസിന്റെ കാര്യത്തില്‍ ആദ്യം അദ്ദേഹം ഒരു ബാറ്ററും രണ്ടാമതാണ് കീപ്പറുമാകുന്നത്. ഏഴാം നമ്പരില്‍ പോലും രാജ്യത്തിനായി മത്സരങ്ങള്‍ ജയിപ്പിക്കാന്‍ കഴിയുന്ന ഒരു വിക്കറ്റ് കീപ്പര്‍-ബാറ്ററെ ലഭിച്ചത് ഇന്ത്യന്‍ ക്രിക്കറ്റിന് ഒരു അനുഗ്രഹമായിരുന്നു, കാരണം അദ്ദേഹത്തിന് ആ പവര്‍ ഗെയിം ഉണ്ടായിരുന്നു.- ഗംഭീര്‍ പറഞ്ഞു.

Gautam Gambhir praises MS Dhoni. 🫣 (On Star)#AsiaCupFinal pic.twitter.com/tjD4ur2QjN

— Vipin Tiwari (@vipintiwari952) September 17, 2023

“>