ഈ മാസം 22 ആരംഭിക്കുന്ന ഓസ്ട്രേലിയയ്ക്കെതിരായ ഏകദിന പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു. മൂന്ന് മത്സരങ്ങളുള്ള പരമ്പരയിൽ ആദ്യ രണ്ടു മത്സരങ്ങളിൽ കെ.എൽ രാഹുലാണ് നായകൻ. രോഹിത് ശർമ്മ, വിരാട് കോഹ്ലി, ഹാർദ്ദിക് പാണ്ഡ്യ, കുൽദീപ് യാദവ്, അക്സർ പട്ടേൽ എന്നിവർക്ക് ആദ്യ രണ്ടുമത്സരങ്ങളിൽ വിശ്രമം നൽകിയിട്ടുണ്ട്. മൂന്നാമത്തെ മത്സരത്തിൽ താരങ്ങൾ മടങ്ങിയെത്തും.
പതിവ് പോലെ മലയാളി താരം സഞ്ജുവിന് ഇത്തവണയും ടീമിൽ ഇടം കണ്ടെത്താൻ സാധിച്ചില്ല. രണ്ട് മത്സരങ്ങളിൽ സീനിയർ താരങ്ങൾ വിട്ടുനിൽക്കുന്നതിനാൽ പ്രസിദ് കൃഷ്ണ, റുതുരാജ് ഗെയ്ക്വാദ്, തിലക് വർമ്മ, എന്നീ യുവതാരങ്ങൾക്ക് അവസരം ലഭിച്ചിട്ടുണ്ട്.
ആദ്യ രണ്ട് മത്സരങ്ങൾക്കുള്ള ടീം; –
കെ.എൽ രാഹുൽ (ക്യാപ്റ്റൻ), രവീന്ദ്ര ജഡേജ (വൈസ് ക്യാപ്റ്റൻ), റുതുരാജ് ഗെയ്ക്വാദ്, ശുഭ്മാൻ ഗിൽ, ശ്രേയസ് അയ്യർ, സൂര്യകുമാർ യാദവ്, തിലക് വർമ്മ, ഇഷാൻ കിഷൻ (വിക്കറ്റ് കീപ്പർ), ഷാർദുൽ താക്കൂർ, വാഷിംഗ്ടൺ സുന്ദർ, ആർ അശ്വിൻ, ജസ്പ്രീത് ബുംറ, മൊഹമ്മദ് ഷമി, മൊഹമ്മദ് സിറാജ്, പ്രസിദ് കൃഷ്ണ
മൂന്നാം മത്സരത്തിനുള്ള ടീം:
രോഹിത് ശർമ്മ (ക്യാപ്റ്റൻ), ഹാർദിക് പാണ്ഡ്യ, (വൈസ് ക്യാപ്റ്റൻ), ശുഭ്മാൻ ഗിൽ, വിരാട് കോലി, ശ്രേയസ് അയ്യർ, സൂര്യകുമാർ യാദവ്, കെ എൽ രാഹുൽ (വിക്കറ്റ് കീപ്പർ), ഇഷാൻ കിഷൻ (വിക്കറ്റ് കീപ്പർ), രവീന്ദ്ര ജഡേജ, ശാർദുൽ താക്കൂർ, അക്സർ പട്ടേൽ, വാഷിംഗ്ടൺ സുന്ദർ, കുൽദീപ് യാദവ്, ആർ അശ്വിൻ, ജസ്പ്രീത് ബുംറ, മൊഹമ്മദ് ഷമി, മൊഹമ്മദ് സിറാജ്.
ആദ്യ ഏകദിനം 22 ന് മൊഹാലിയിൽ നടക്കും. രണ്ടാം മത്സരം ഇൻഡോറിലും മൂന്നാം ഏകദിനം രാജ്കോട്ടിലുമാണ് നടക്കുക.
Comments