ഇന്ത്യയില് ഇലക്ട്രിക് വാഹന പതിപ്പ് പുറത്തിറക്കാനൊരുങ്ങി പ്രമുഖ വാഹന നിര്മാതാക്കളായ ജീപ്പ്. രാജ്യത്ത് ഇ-വാഹനങ്ങളുടെ ഉത്പാദനം വര്ദ്ധിപ്പിക്കുമെന്നും കമ്പനി അറിയിച്ചു.ഉപഭോക്താവിന്റെ സംതൃപ്തിയാണ് പ്രധാനം. ആഗോളതലത്തില് ഇലക്ട്രിക് വാഹന ശ്രേണിയില് വന് തോതിലുള്ള വിപുലീകരണമാണ് നടത്താന് പദ്ധതിയിടുന്നതെന്ന് ജീപ്പ് ഇന്ത്യ ഓപ്പറേഷന്സിന്റെ ഹെഡ് ആദിത്യ ജയ്രാജ് പറഞ്ഞു.
ഇന്ത്യയില് ഇലക്ട്രിക് വാഹന ശ്രേണിക്ക് കൂടുതല് ഊന്നല് നല്കുമെന്നും കമ്പനി കൂട്ടിച്ചേര്ത്തു. അടുത്ത മൂന്ന് വര്ഷത്തിലുള്ളില് തങ്ങളുടെ എസ് യുവി ജീപ്പ് കോംപസില് 90 ശതമാനവും പ്രാദേശികഘടകങ്ങള് അവതരിപ്പിക്കും. പൂനെ ജില്ലയിലെ രഞ്ജന്ഗാവിലുള്ള ടാറ്റാ മോട്ടോഴ്സുമായി ചേര്ന്ന് സംയുക്ത സംരംഭമായ നിര്മാണ കേന്ദ്രമുണ്ട്.
ആഗോളതലത്തില് ഇലക്ട്രിക് വാഹന ശ്രേണിയില് വിപുലീകരണമാണ് നടത്തുന്നത്. ഇന്ത്യയിലും പല തരത്തിലുമുള്ള സാധ്യതകളെക്കുറിച്ച് പഠിക്കുകയാണെന്നും കമ്പനി വ്യക്തമാക്കി.
