കഴിഞ്ഞ ദിവസമാണ് വാട്സ് ആപ്പ് പുതിയ ഫീച്ചറായ ചാനൽ ഉപയോക്താക്കൾ പരിചയപ്പെടുത്തിയത്. മാർക് സക്കർബർഗാണ് ഇക്കാര്യം സോഷ്യൽ മീഡിയയിലൂടെ ലോകത്തെ അറിയിച്ചത്. ഇതിന് പിന്നാലെ പ്രമുഖർ പലരും വാട്സ് ആപ്പ് ചാനൽ തുടങ്ങി. മമ്മൂട്ടിയും മോഹൻലാലും അടക്കമുള്ളവർ ചാനൽ തുടങ്ങിയതിന് പിന്നാലെ യുവതാരം ഉണ്ണി മുകുന്ദനും വാട്സ് ആപ്പ് ചാനലിൽ വരവറിയിച്ചിരിക്കുകയാണ്.
സമൂഹമാദ്ധ്യമങ്ങളിലൂടെ ഉണ്ണി മുകുന്ദൻ തന്നെയാണ് ഇക്കാര്യം അറിയിച്ചത്. സെപ്റ്റംബർ 22 മുതൽ എക്‌സ്‌ക്ലൂസിവ് അപ്ഡേറ്റുകൾ വന്ന് തുടങ്ങുമെന്നും ഉണ്ണി മുകുന്ദൻ അറിയിച്ചു. നേരത്തെ മമ്മൂട്ടിയും മോഹൻലാലുമടക്കം സൂപ്പർ താരങ്ങളിൽ പലരും വാട്സ്ആപ്പ് ചാനലിൽ എത്തിയിരുന്നു.
മുൻപ് പിൻവലിച്ച ഫീച്ചറാണ് പരിഷ്‌കരിച്ച രൂപത്തിൽ അവതരിപ്പിച്ചിരിക്കുന്നത്. വാട്സ്ആപ്പ് ചാനലാണ് ഉപയോക്താക്കൾക്കായി അവതരിപ്പിച്ചിരിക്കുന്നത്. വാട്സ്ആപ്പ് അപ്ഡേറ്റ് ചെയ്യുന്ന എല്ലാവർക്കും ഇത് ലഭ്യമായി തുടങ്ങിയിട്ടുണ്ട്. വ്യക്തികളിൽ നിന്നും കൂട്ടയ്മകളിൽ നിന്നും അപ്ഡേറ്റുകൾ സ്വീകരിക്കുന്നതിനുള്ള അവസരമാണ് വാട്സ്ആപ്പ് ചാനലിലൂടെ നൽകുന്നത്. പുതിയ ചാനൽ ഫീച്ചർ ടാബിൽ ഉപയോക്താക്കൾക്ക് സ്റ്റാറ്റസ് അപ്ഡേറ്റുകളും അവർ പിന്തുടരാൻ തിരഞ്ഞെടുക്കുന്ന ചാനലുകളും ആക്സസ് ചെയ്യാൻ കഴിയും.
