ലോകകപ്പിനൊരുങ്ങുന്ന പാകിസ്താന് ടീമിന് മുന്നറിയിപ്പുമായി മുന് താരം കമ്രാന് അക്മല്. ഓക്ടോബര് 14ന് അഹമ്മദാബാദ് നരേന്ദ്ര മോദി സ്റ്റേഡിയത്തിലാണ് വിഖ്യാത ഇന്ത്യ-പാക് പോരാട്ടം.
യുട്യൂബ് ചാനലിലൂടെയായിരുന്നു താരത്തിന്റെ പരാമര്ശം. ഏഷ്യാകപ്പില് നമ്മള് ഇന്ത്യയുടെ പ്രകടനം കണ്ടതാണ്. അവര് ഫൈനലില് 10 വിക്കറ്റിനാണ് ശ്രീലങ്കയെ തകര്ത്തത്. പാകിസ്താനെതിരെ കൂറ്റന് ജയമാണ് അവര് നേടിയത്. അതേസമയം പാകിസ്താന് ഫൈനലില് യോഗ്യത നേടാന് പോലുമായില്ല.
‘ ഏഷ്യാ കപ്പിലെ അതേ മാനസികാവസ്ഥയിലും കഴിഞ്ഞ മൂന്ന് വര്ഷമായി നിങ്ങള് കളിച്ച രീതിയിലും അവരോട് ഏറ്റുമുട്ടിയാല് മോശമായി തോല്ക്കേണ്ടിവരും. ഇന്ത്യയോട് ജയിക്കാന് നന്നായി തയ്യാറെടുക്കേണ്ടതുണ്ട്, ”-അക്മല് തന്റെ യൂട്യൂബ് ചാനലില് പറഞ്ഞു.
ഇന്ത്യയുടെ ബാറ്റിംഗ് നിരയെയും ബൗളര്മാരെയും പ്രശംസിച്ച അക്മല് ഇന്ത്യയെ സമ്മര്ദ്ധത്തിലാക്കണമെങ്കില് പാകിസ്താന് കൂടുതല് വിയര്പ്പൊഴുക്കേണ്ടിവരുമെന്നും അദ്ദേഹം പറഞ്ഞു.
