തെന്നിന്ത്യൻ സിനിമയിൽ ഒരുകാലത്ത് മികച്ച ചിത്രങ്ങളിലൂടെ തിളങ്ങളിലൂടെ തിളങ്ങിയ നടിയാണ് സംഗീത മാധവൻ നായർ. ചിന്താവിഷ്ടയായ ശ്യാമള എന്ന സിനിമയിലെ കഥാപാത്രമായിട്ടാണ് ഇന്നും സംഗീത മലയാളി പ്രേക്ഷക മനസ്സുകളില് ജീവിക്കുന്നത്. അന്ന് മികച്ച നടിയ്ക്കുള്ള സംസ്ഥാന പുരസ്കാരവും ഈ ചിത്രത്തിലെ അഭിനയത്തിന് സംഗീതയ്ക്ക് ലഭിച്ചിരുന്നു. അനിയൻ ബാവ ചേട്ടൻ ബാവ, മന്ത്രികുമാരൻ, പല്ലാവൂർ ദേവനാരായണൻ, വാഴുന്നോർ, ക്രൈം ഫയൽ, സാഫല്യം തുടങ്ങി നിരവധി ചിത്രങ്ങളിലൂടെ മലയാളികളുടെ ഹൃദയം കവർന്ന നടിയാണ് സംഗീത.
View this post on Instagram
നാടോടി എന്ന ചിത്രത്തില് മോഹന്ലാലിന്റെ സഹോദരിയായിട്ടായിരുന്നു മലയാളത്തിൽ അരങ്ങേറ്റം കുറിച്ചത്. പല്ലാവൂർ ദേവനാരായണൻ എന്ന ചിത്രത്തിൽ മമ്മൂട്ടിയുടെ നായികയായി. മലയാളത്തിന്റെ സൂപ്പർ താരങ്ങൾക്കൊപ്പം നടി അഭിനയിച്ചിട്ടുണ്ട്. കൂടാതെ തമിഴിൽ പൂവേ ഉനക്കാകെ എന്ന ചിത്രത്തിൽ വിജയ്യുടെ അടക്കം നായികയായിട്ടുണ്ട്.
അതുപോലെ തമിഴില് സംഗീതയ്ക്ക് ഒരുപാട് അംഗീകാരം നേടികൊടുത്ത സിനിമയാണ് പൂവെ ഉനക്കാകെ. ഈ സിനിമയുടെ സെറ്റില് വച്ചാണ് സംഗീത തന്റെ ജീവിത പങ്കാളിയെ കണ്ടുമുട്ടുന്നതും. വിവാഹ ശേഷം സിനിമയിൽ നിന്നും മാറി നിന്ന നടി 14 വർഷത്തെ ഇടവേളയ്ക്ക് ശേഷം മലയാള സിനിമയിലേക്ക് തിരിച്ചെത്തിയിരുന്നു. ‘നഗരവാരിധി നടുവിൽ ഞാൻ” എന്ന ചിത്രത്തിലൂടെയായിരുന്നു തിരിച്ചുവരവ്. ഇപ്പോഴിതാ, കുഞ്ചാക്കോ ബോബൻ നായകനാവുന്ന ചാവേറിലൂടെ വീണ്ടും മലയാളത്തിലേക്ക് എത്തുകയാണ് സംഗീത.
സമൂഹ മാദ്ധ്യമങ്ങളിൽ ശ്രദ്ധ കവരുന്നത് ചാവേറിന്റെ ട്രെയിലർ ലോഞ്ചിനെത്തിയ സംഗീതയുടെ ചിത്രങ്ങളും വീഡിയോകളുമാണ്. പഴയതിലും ചെറുപ്പമായി എന്നാണ് ആരാധകർ പറയുന്നത്. പ്രായം റിവേഴ്സ് ഗിയറിലാണോ എന്നാണ് ആരാധകർ ചോദിക്കുന്നത്. എന്തായലും ചിത്രത്തിനായുള്ള കാത്തിരിപ്പിലാണ് പ്രേക്ഷകർ.
