പണ്ഡിറ്റ് ദീൻ ദയാൽ ഉപാദ്ധ്യായയെ അനുസ്മരിച്ച് പ്രധാനമന്ത്രി നരേന്ദ്രമേദി. ഭാരതമാതാവിന് വേണ്ടി സമർപ്പിക്കപ്പെട്ട ജീവിതമായിരുന്നു പണ്ഡിറ്റ് ദീൻ ദയാൽ ഉപാദ്ധ്യായയുടേതെന്ന് അദ്ദേഹം പറഞ്ഞു. സമൂഹമദ്ധ്യമത്തിൽ പങ്കുവെച്ച പോസ്റ്റിലാണ് അദ്ദേഹത്തിന്റെ വാക്കുകൾ.
അന്ത്യോദയ ആശയത്തിന്റെ സ്ഥാപകൻ പണ്ഡിറ്റ് ദീൻ ദയാൽ ഉപാദ്ധ്യായയുടെ വ്യക്തിത്വവും പ്രവർത്തനങ്ങളും ഭാരതമാതാവിന് വേണ്ടി സമർപ്പിച്ച ജീവിതമായിരുന്നു അദ്ദേഹത്തിന്റേത്. അദ്ദേഹം എന്നും ജനങ്ങൾക്ക് പ്രചോദനമാണ്. അദ്ദേഹത്തിന്റെ ജന്മദിനത്തിൽ പ്രണാമാദരങ്ങൾ അർപ്പിക്കുന്നു. – പ്രധാനമന്ത്രി പറഞ്ഞു.
ഇന്നത്തെ ഭാരതീയ ജനതാ പാർട്ടിയുടെ ആദ്യ രൂപമായ ജനസംഘത്തിന് പിന്നിലെ ആശയവും ആദർശവുമായി മാറിയ വ്യക്തിയാണ് ദീൻ ദയാൽ ഉപാദ്ധ്യായ. 1916 സെപ്റ്റംബർ 25ന് ജനിച്ച ദീൻ ദയാൽ, 1968 ഫെബ്രുവരി 11-നാണ് മരണപ്പെട്ടത്. ഭാരതീയ തത്വചിന്തയിൽ അടിയുറച്ച രാഷ്ട്രീയ, സാമ്പത്തിക, സാമൂഹിക ആശയധാരയായ ഏകാത്മകമാനവദർശനം പിറന്നതും ദീൻ ദയാൽ ഉപാദ്ധ്യായയിൽ നിന്നാണ്.