കമ്മ്യൂണിറ്റി ഗ്രൂപ്പ് ചാറ്റിൽ പുത്തൻ അപ്ഡേറ്റുമായി വാട്സ്ആപ്പ്. പുതിയ അംഗങ്ങളെ ചേർക്കുന്നതിൽ അഡ്മിൻമാർക്ക് കൂടുതൽ നിയന്ത്രണം നൽകുന്നതാണ് പുതിയ ഫീച്ചർ. നിലവിൽ അഡ്മിൻമാർക്ക് മാത്രമാണ് അംഗങ്ങളെ ചേർക്കാൻ കഴിയുന്നത്. പുതിയ ഫീച്ചർ അനുസരിച്ച് കമ്മ്യൂണിറ്റി ഗ്രൂപ്പ് ചാറ്റിൽ അംഗങ്ങളെ ചേർക്കാൻ അധികാരമുള്ള ഉപയോക്താക്കൾ ആരെല്ലാം ആണെന്ന് അഡ്മിൻമാർക്ക് തെരഞ്ഞെടുക്കാൻ കഴിയും വിധമാണ് സംവിധാനം.
തുടക്കത്തിൽ ഐഒഎസ് പ്ലാറ്റ്ഫോമിലാണ് പുതിയ ഫീച്ചർ കൊണ്ടുവന്നത്. എല്ലാ കമ്മ്യൂണിറ്റി മെമ്പർമാർക്കും പുതിയ ഉപയോക്താക്കളെ ഗ്രൂപ്പിൽ ചേർക്കാൻ കഴിയുന്ന വിശാല സംവിധാനവുമുണ്ട്. എവരിവൺ തെരഞ്ഞെടുത്താൽ ഏത് അംഗത്തിന് വേണമെങ്കിലും പുതിയ ആളുകളെ കമ്മ്യൂണിറ്റി ഗ്രൂപ്പ് ചാറ്റിൽ ചേർക്കാൻ സാധിക്കും. വരും ദിവസങ്ങളിൽ ഈ ഫീച്ചർ എല്ലാവർക്കും ലഭ്യമാക്കുമെന്നാണ് റിപ്പോർട്ടുകൾ.