മികച്ച ലാപ്‌ടോപ്പുകൾ തിരയുവാണോ?; കുറഞ്ഞ വിലയിൽ കിടിലൻ ലാപ്‌ടോപ്പുകൾ സ്വന്തമാക്കാം..

‘നാടോടുമ്പോൾ നടുവേ ഓടണം’ എന്ന പഴഞ്ചൊല്ല് അർത്ഥവത്താകുന്ന കാഴ്ചയാണ് ഈ ഡിജിറ്റൽ യുഗത്തിൽ നാം ദിനംപ്രതി കണ്ടുകൊണ്ടിരിക്കുന്നത്. ഡിജിറ്റൽ ലോകത്തിൽ വരുന്ന പുതിയ കാര്യങ്ങൾ ഗ്രഹിക്കാനും അവയെല്ലാം ഉപയോഗിക്കാനും തത്പരരാണ് നമ്മിൽ ബഹുഭൂരിപക്ഷവും. അതുകൊണ്ടുതന്നെ ഇലക്ട്രോണിക് ഗാഡ്ജറ്റുകൾ അനുദിനം മാറുമ്പോൾ കുറഞ്ഞ വിലയിൽ മികച്ച സവിശേഷതകളോടു കൂടി പുറത്തിറങ്ങുന്ന സ്മാർട്ട്‌ഫോണുകൾക്കും ലാപ്‌ടോപ്പുകൾക്കും ആവശ്യക്കാർ ഏറെയാണ്. മികച്ച ഓഫറുകളുള്ള ലാപ്‌ടോപ്പുകൾ ഏതൊക്കെയെന്ന് അറിയാം..

ഏസർ സ്വിഫ്റ്റ് ഗോ 14 ലാപ്‌ടോപ്പ്

50,000 രൂപയ്‌ക്കു താഴെയുള്ള ലാപ്‌ടോപ്പുകൾ തിരയുന്നവർക്ക് വാങ്ങാവുന്ന മികച്ച ലാപ്‌ടോപ്പുകളിലൊന്നാണ് ഏസർ സ്വിഫ്റ്റ് ഗോ 14. 1920×1080 പിക്‌സൽ റെസല്യൂഷനും 14 ഇഞ്ച് ഡിസ്‌പ്ലേയുമുള്ള ലോപ്‌ടോപ്പാണ് ഇത്. റൈസർ 5 പ്രോസസറും 8 ജിബി റാമുമായി വരുന്ന ഈ ലാപ്‌ടോപ്പിൽ 512 ജിബ്ി എസ്എസ്ഡി സ്റ്റോറേജുമാണുള്ളത്.

4 USB പോർട്ടുകൾ (1 x USB 2.0), USB 3.2 Gen 1 (Type A), USB 3.2 Gen 2 (Type C), HDMI പോർട്ട്, ലോക്ക് സ്ലോട്ട്, ഹെഡ്ഫോൺ, മൈക്ക് കോംബോ ജാക്ക് പോർട്ടുകൾ എന്നിവയാണ് ലാപ്‌ടോപ്പിന്റെ മറ്റൊരു പ്രത്യേകത.

ഡെൽ വോസ്‌ട്രോ 14-ഇഞ്ച് ലാപ്‌ടോപ്പ്

കുറഞ്ഞ വിലക്കിഴിവിൽ നിത്യോപയോഗത്തിനായി തിരഞ്ഞെടുക്കാവുന്ന ലാപ്‌ടോപ്പുകളിലൊന്നാണ് ഇത്. 14 ഇഞ്ച് ഫുൾ എച്ച്ഡി സ്‌ക്രീനോടെയാണ് ലാപ്‌ടോപ്പ് വിപണിയിലെത്തുന്നത്. കോർ ഐ3- 1115ജി 4 പ്രോസസ്സറാണ് ലാപ്പിന് കരുത്ത് പകരുന്നത്. 512 ജിബി എസ്എസ്ഡി സ്റ്റോറേജാണ് ഇതിലുള്ളത്.

ലെനോവോ ഐഡിയപാഡ് സ്ലിം 3 ഇന്റൽ കോർ ഐ7 ലാപ്‌ടോപ്

15.6 ഇഞ്ച് ഫുൾ എച്ച്ഡി ഡിസ്‌പ്ലേയോടു കൂടിയാണ് ഈ ലാപ് വിപണിയിൽ എത്തുന്നത്.
11ാം തലമുറ ഇന്റൽ കോർ ഐ7-1165ജി7 പ്രൊസസ്സർ ലാപ്ടോപ്പിനെ കരുത്തുറ്റതാക്കുന്നു. ആന്റി ഗ്ലെയർ സ്‌ക്രീൻ, ബാക്ക്‌ലിറ്റ് കീബോർഡ്, ബിൽട്ട് ഇൻ മൈക്രോഫോൺ എന്നിവയാണ് ഇതിന്റെ പ്രത്യേകതകൾ. 512 ജിബ് എസ്എസ്ഡി സ്‌റ്റോറേജും 16ജിബി ഡിഡിആർ4-3200 റാമുമാണ് ലാപ്പിൽ വരുന്നത്.