ഇതിഹാസങ്ങളായ മെസിയും ക്രിസ്റ്റ്യാനോ റൊണാള്ഡോയും യൂറോപ്പ് വിട്ടതോടെ ആരാധകരും ഏറെ വിഷമത്തിലായിരുന്നു. അവര് ഒരിക്കല്ക്കൂടി നേര്ക്ക്നേര് വരുന്നത് കാണാന് കാത്തിരിക്കുകയായിരുന്നു അവര്. അത് ക്ലബ് തലത്തിലോ രാജ്യാന്തര തലത്തിലോ ഏത് വിധേനയായാലും സന്തോഷം. എന്നാല് ഈ അടുത്തുവരെയും അതിനൊരു സാദ്ധ്യതയും ഇല്ലായിരുന്നു.
എന്നാല് ഇപ്പോള് പുറത്തുവരുന്ന വാര്ത്തകള് ആരാധകര്ക്ക് സന്തോഷം പകരുന്നതാണ്. അല് ബിലാദ് പത്രത്തിന്റെ ജേര്ണലിസ്റ്റ് നല്കുന്ന വിവരം അനുസരിച്ച് ചൈനീസ് അന്താരാഷ്ട്ര മാര്ക്കറ്റിംഗ് കമ്പനി ഒരു സൗഹൃദം മത്സരം സംഘടിപ്പിക്കുന്നു എന്നുള്ളതാണ്.
മെസിയുടെ ഇന്റര് മിയാമിയും റോണോയുടെ അല് നസറുമായി ചൈനയില് ഏറ്റമുട്ടാനുള്ള വഴിയാണ് ഒരുങ്ങുന്നത്. സന്തോഷ വാര്ത്ത. യൂറോപ്പിന് പുറത്ത് ക്ലബ് തലത്തില് ഇതിഹാസങ്ങള് നേര്ക്ക്നേര് വരുമെന്നാണ് സൂചന. മാഞ്ചസ്റ്റര് വിട്ട റോണാള്ഡോ സൗദി പ്രോലീഗില് മിന്നും ഫോമിലാണ്. പിഎസ്ജി വിട്ട മെസി മേജര് ലീഗ് സോക്കറില് ഗോളടിച്ച് കൂട്ടുകയാണ്.