സോഷ്യല് മീഡിയയില് സജീവമായ സിനിമ താരങ്ങള് പലരും, തങ്ങളുടെ പാചകത്തിലെ മികവ് പ്രകടമാക്കാന് നിരവധി വീഡിയോകള് പങ്കുവയ്ക്കാറുണ്ട്. ഇവയ്ക്ക് ലക്ഷങ്ങളിലേറെ കാഴ്ചക്കാരെയും ലഭിക്കാറുണ്ട്. ഇപ്പോള് ബോളിവുഡ് താരം ജാക്കി ഷെറോഫ് പങ്കുവച്ച ഒരു പാചക വീഡിയോയാണ് വൈറലായത്.
ബോളിവുഡ് താരം ജാക്കി ഷെരോഫാണ് പാചക വീഡിയോയുമായി എത്തിയിരിക്കുന്നത്. അധികം വൈകാതെ തന്നെ ഈ വീഡിയോ സോഷ്യൽ മീഡിയയിലെ ചർച്ച വിഷയമായി മാറിയിരിക്കുകയാണ്. സ്വന്തം തോട്ടത്തില് വിളഞ്ഞ വിഭവങ്ങള് കൊണ്ട് പാചകം ചെയ്യുന്ന വീഡിയോയാണ് താരം ആരാധകര്ക്കായി പങ്കുവച്ചത്. വീഡിയോയില് ഏവരുടെയും ശ്രദ്ധപിടിച്ചുപറ്റുന്ന ഒരു കാര്യം കൂടിയുണ്ട്.
വീഡിയോയിൽ കാണിച്ചിരിക്കുന്ന വിഭവങ്ങളുടെ കൂട്ടത്തിൽ ധാൽ കറിയുമുണ്ട്. ഈ കറിയിൽ ഒരു ഈച്ച ചത്തുകിടക്കുന്നത് കാണാം. വീഡിയോ കണ്ട പലരും ഇക്കാര്യം ശ്രദ്ധിക്കുകയും കമന്റിലൂടെ ചോദിക്കുകയും ചെയ്തു. രുചിയേറിയ വിഭവങ്ങളില് ഒന്നില് ഈച്ച ചത്ത് കിടക്കുന്ന കാര്യമാണ് ആരാധകര് ചൂണ്ടിക്കാട്ടുന്നത്. ദാല് കറിയിലാണ് ഈച്ച ചത്തുകിടക്കുന്നത്. ഇത് താരത്തെ ശ്രദ്ധയില്പ്പെടുത്തിയാണ് പല കമന്റുകളും വന്നത്. ‘ബ്രോ, ഞാൻ കാട്ടിനുള്ളിലാണ് ഇരിക്കുന്നത്…’ ഇത്തരം കമന്റുകള്ക്ക് നടന് തന്നെ മറുപടിയും നല്കി.
