2019-ൽ ഇംഗ്ലണ്ടിൽ നടന്ന ഐസിസി ലോകകപ്പിനിടെ വൈറലായ ഒരു ചിത്രമുണ്ട്. എംസ്. ധോണി , ജസ്പ്രീത് ബുംറ, ഋഷഭ് പന്ത്, മായങ്ക് അഗർവാൾ, ഹർദിക് പാണ്ഡ്യ എന്നിവർ ചേർന്നെടുത്ത ഒരു സെൽഫി. ഹർദിക് പാണ്ഡ്യയാണ് ചിത്രം സമൂഹ മാദ്ധ്യമങ്ങളിൽ പോസ്റ്റ് ചെയ്തത്. പാണ്ഡ്യ പോസ്റ്റ് ചെയ്തതു കൊണ്ടു മാത്രം വൈറലായ ചിത്രമല്ലയിത്.
ഉത്തരം കിട്ടാത്ത കടങ്കഥകൾ പോലെ പന്തിന്റെ തോളിൽ നിഗൂഢമായ ഒരു കൈ കാണുന്നതാണ് ചിത്രം വളരെയധികം വൈറലാവാൻ മറ്റൊരു കാരണം. ഇപ്പോഴിതാ നിഗൂഢത നിറഞ്ഞ കൈകൾ ആരുടേതാണെന്ന് പറഞ്ഞിരിക്കുകയാണ് മായങ്ക് അഗർവാൾ. ഇതോടെ ചിത്രം വീണ്ടും സമൂഹ മാദ്ധ്യമങ്ങളിൽ നിറയുകയാണ്.
ചിത്രത്തിൽ എംഎസ് ധോണിയുടെ തോളിലും ഒരു കൈ കാണാം. എന്നാൽ അത് വലതുവശത്തു നിൽക്കുന്ന ബുംറയുടേതാണെന്ന് ചിത്രം കാണുന്ന ഏതൊരാൾക്കും മനസിലാകും. എന്നാൽ ഋഷഭ് പന്തിന്റെ തോളിലിരിക്കുന്ന കൈകൾ ആരുടേതാണെന്നുള്ള ചർച്ചകൾ വർഷങ്ങൾ നീണ്ടു. ചിത്രത്തിൽ പന്തിന്റെ പിന്നിലായാണ് മായങ്ക് നിൽക്കുന്നത്. കുറച്ചകലെ നിൽക്കുന്ന മായങ്കിന്റെ കൈകളല്ലെന്നാണ് സമൂഹ മാദ്ധ്യമങ്ങളിൽ ആളുകൾ പറഞ്ഞിരുന്നത്.
എന്നാൽ എല്ലാ ഊഹാപോഹങ്ങളെയും തള്ളി മായങ്ക് തന്നെ രംഗത്തെത്തിയിരിക്കുകയാണ്. ആ കൈ തന്റേതാണെന്നു പറഞ്ഞിരിക്കുകയാണ് താരം. മറ്റൊരു ഐസിസി ലോകകപ്പ് പടിവാതിലിൽ എത്തിനിൽക്കുമ്പോഴാണ് താരത്തിന്റെ തുറന്നുപറച്ചിൽ വീണ്ടും സമൂഹ മാദ്ധ്യമങ്ങളിൽ ചർച്ചയാവുന്നത്.
‼️‼️After years of extensive research, debates, and countless conspiracy theories, let the nation finally know : it is MY hand on @RishabhPant17 shoulder ‼️‼️
Ps : any and all other claims are misleading and not true 😎 pic.twitter.com/nmOy9Ka0pH
— Mayank Agarwal (@mayankcricket) September 28, 2023
“>
