കേന്ദ്ര സർക്കാരിന്റെ ശുചീകരണ പദ്ധതിയായ സ്വച്ഛത ഹി സേവയുടെ ഭാഗമായി രാജ്യത്ത് വിവിധയിടങ്ങളിൽ 14 മിനിറ്റ് മിറാക്കിൾ നടപ്പിലാക്കി. ഇതിന്റെ ഭാഗമായി സെക്കന്തരബാദ്-തിരുപ്പതി വന്ദേ ഭാരത് എക്‌സ്പ്രസിന്റെയും 14 മിനിറ്റ് മിറാക്കിൾ നടന്നു. ട്രെയിൻ റേക്ക് 14 മിനിറ്റിനുള്ളിൽ തിരുപ്പതി റെയിൽവേ സ്റ്റേഷനിൽ വൃത്തിയാക്കി.
അഡീഷണൽ ഡിവിഷണൽ റെയിൽവേ മാനേജർ യു സുധാകർ തിരുപ്പതി സ്റ്റേഷൻ ഡയറക്ടർ കെ സത്യനാരായണ എന്നിവർ ഇവിടെ സന്നിഹിതരായിരുന്നു. ഒന്നാം പ്ലാറ്റ്‌ഫോമിൽ വന്ന ട്രെയിൻ 14 മിനിറ്റിനുള്ളിൽ ജീവനക്കാർ ചേർന്ന് വൃത്തിയാക്കി. ചടങ്ങിൽ പ്രധാനമന്ത്രിയുടെ സ്വച്ഛ് ഭാരത് മിഷൻ എങ്ങനെയാണ് രാജ്യവ്യാപകമായ പദ്ധതിയായി മാറിയതെന്നും അധികൃതർ വിശദമാക്കി.
തിരുപ്പതി വെസ്റ്റ് റെയിൽവേ സ്റ്റേഷനിലെ റെയിൽവേ ക്വാർട്ടേഴ്‌സിൽ നടന്ന സ്വച്ഛത ഹി സേവ പരിപാടിയിൽ പാർലമെന്റ് അംഗം എം ഗുരുമൂർത്തിയും എംസിടി ഡെപ്യൂട്ടി മേയർ ബി അഭിനയ് റെഡ്ഡിയും സന്നിഹിതരായിരുന്നു.
