കൊല്ലം: ചിതറയിൽ ആംബുലൻസ് പിക്കപ്പ് വാനിലിടിച്ച് ആംബുലൻസ് ഡ്രൈവർക്ക് ഗുരുതര പരിക്ക്. കടക്കൽ പൂക്കുന്നം സ്വദേശി മുനീറിനാണ് പരിക്കേറ്റത്. ബസിനെ മറികടക്കാൻ ശ്രമിച്ചപ്പോൾ എതിരെ വന്ന പിക്കപ്പ് വാനിൽ ഇടിക്കുകയായിരുന്നു.
ഇന്ന് രാവിലെയാണ് അപകടം. രോഗിയെ കയറ്റാനായി ആശുപത്രിയിലേക്ക് പോകുന്നതിനിടെയായിരുന്നു അപകടം സംഭവിച്ചത്. സംഭവസമയത്ത് ആംബുലൻസിൽ മറ്റു രോഗികളൊന്നും ഉണ്ടായിരുന്നില്ല. ഗുരുതരമായി പരിക്കേറ്റ ആംബുലൻസ് ഡ്രൈവറെ കടയ്‌ക്കൽ താലൂക്ക് ആശുപത്രിയിലെത്തിക്കുകയും തുടർന്ന് തിരുവനന്തപുരം മെഡിക്കൽ കോളേജിലേക്ക് മാറ്റുകയും ചെയ്തു.
