അന്നുവിന്റെ ത്രോയിൽ ഇത് പുതുചരിത്രം; വനിതാ വിഭാഗം ജാവ്‌ലിൻ ത്രോയിൽ ഭാരതത്തിന് സ്വർണം

ഹാങ്‌ചോ: ജാവ്‌ലിൻ ത്രോയിൽ ചരിത്രം രചിച്ച് അന്നു റാണി. ഏഷ്യൻ ഗെയിംസ് വനിതാ വിഭാഗം ജാവ്‌ലിൻ ത്രോയിൽ സ്വർണം നേടുന്ന ആദ്യ ഇന്ത്യൻ വനിതയെന്ന നേട്ടമാണ് താരത്തിന് സ്വന്തമായത്. ഇതോടെ ഗെയിംസിലെ ഇന്ത്യയുടെ സ്വർണനേട്ടം 15 ആയി. ഫൈനലിലെ 4-ാം ശ്രമത്തിൽ 62.92 മീറ്റർ ദൂരം കണ്ടെത്തിയാണ് അന്നു പുതുചരിത്രം രചിച്ചത്. കോമൺവെൽത്ത് ഗെയിംസിൽ താരം വെങ്കലം നേടിയിരുന്നു. അതേസമയം പുരുഷൻമാരുടെ ഡെക്കാത്തലോണിലും ഇന്ത്യ മെഡൽ നേടി. 7666 പോയിന്റ് നേടിയാണ് തേജസ്വിൻ ശങ്കർ വെള്ളി നേടിയത്.