ഹാങ്ചോ: 4*400 മീറ്റർ റിലേയിൽ രാജ്യത്തിന് ഇരട്ട മെഡൽ. മലയാളികളടങ്ങുന്ന പുരുഷ വിഭാഗ ടീം സ്വർണവും വനിതകൾ വെളളിയും നേടി. അനസ് മുഹമ്മദ് യഹിയ, അമോജ് ജേക്കബ്, മുഹമ്മദ് അജ്മൽ, രജേഷ് രമേശ് എന്നിവരാണ് സുവർണ നേട്ടം കരസ്ഥമാക്കിയ ടീമിലെ അംഗങ്ങൾ. 1962 ന് ശേഷം ഇത് ആദ്യമായാണ് പുരുഷ വിഭാഗം റിലേയിൽ ഇന്ത്യ മെഡൽ നേടുന്നത്. 3:1:58 സെക്കൻഡിൽ ഫിനിഷ് ചെയ്തതാണ് ഇന്ത്യ ചരിത്ര വിജയം സ്വന്തമാക്കിയത്.
2002 ന് ശേഷം ഇത് ആദ്യമായാണ് വനിതാ വിഭാഗം റിലേയിൽ മെഡൽ നേടുന്നത്. ഐശ്വര്യ മിശ്ര, ശുഭ വെങ്കടേശ്വൻ, പ്രാച്ചി, വിത്യ രാംരാജ് എന്നിവരാണ് വെള്ളി മെഡൽ നേടിയ ടീമിലെ അംഗങ്ങൾ.