ജോധ്പൂർ: വാക്സിൻ വാറിന്റ അണിയപ്രവർത്തകരെ അഭിനന്ദിച്ച് പ്രധാനമന്ത്രി നരേന്ദ്ര മോദി. രാജ്യത്തെ ശാസ്ത്രജ്ഞരുടെ പ്രത്യേകിച്ചും വനിതാ ശാസ്തജ്ഞരുടെ അക്ഷീണമായ പ്രവർത്തനത്തെ ചിത്രീകരിക്കുന്ന സിനിമയുടെ അണിയറ പ്രവർത്തകരെ അഭിനന്ദിക്കുന്നു എന്നായിരുന്നു അദ്ദേഹത്തിന്റെ വാക്കുകൾ. ജോധ്പൂരിൽ പൊതുയോഗത്തെ അഭിസംബോധന ചെയ്തു സംസാരിക്കുകയായിരുന്നു അദ്ദേഹം.പ്രധാന മന്ത്രി ചിത്രത്തെ അഭിനന്ദിച്ചത് വിവേക് അഗ്നിഹോത്രിയും സമൂഹ മാദ്ധ്യമങ്ങളിലൂടെ പങ്ക് വച്ചിരുന്നു.
‘രാജ്യത്തെ ശാസ്ത്രജ്ഞർ പ്രത്യേകിച്ചും വനിതാ ശാസ്തജ്ഞരുടെ അക്ഷീണമായ പ്രവർത്തനത്തെ ചിത്രീകരിക്കുന്ന സിനിമയുടെ അണിയറ പ്രവർത്തകരെ ഞാൻ അഭിന്ദിക്കുന്നു.’ – പ്രധാനമന്ത്രി അഭിപ്രായപ്പെട്ടു.
‘ഇന്ത്യ തദ്ദേശീയമായി വികസിപ്പിച്ചെടുത്ത വാക്സിൻ നിർമ്മാണത്തിന് വേണ്ടി പ്രത്യേകിച്ചും വനിത ശാസ്ത്രജ്ഞരുടെ പ്രവർത്തനത്തെ ചിത്രീകരിക്കുന്ന സിനിമ പ്രധാനമന്ത്രി ശ്രദ്ധിച്ചതിൽ ഏറെ സന്തോഷമുണ്ട്.’ – വിവേക് അഗ്നിഹോത്രി.
വിവേക് അഗ്നിഹോത്രിയുടെ എറ്റവും പുതിയ മെഡിക്കൽ ഡ്രാമാ ചിത്രമാണ് വാക്സിൻ വാർ. ലോകം നടുക്കിയ കൊറോണയ്ക്കെതിരെ ഭാരതത്തിലെ ശാസ്ത്രജ്ഞർ നടത്തിയ വാക്സിൻ നിർമ്മാണത്തെ ആധാരമാക്കിയുള്ള സിനിമയാണ് വാക്സിൻ വാർ. വിവേക് അഗ്നിഹോത്രിയുടെ സംവിധാനത്തിൽ പുറത്തിറങ്ങുന്ന ചിത്രത്തിൽ ,നാനാപടേക്കർ, അനുപം ഖേർ, പല്ലവി ജോഷി, റൈമ സെൻ,സജ്തമി ഗൗഡ എന്നിവർ പ്രധാന വേഷങ്ങളിൽ എത്തുന്നു. പല്ലവി ജോഷിയാണ് ചിത്രം നിർമ്മിച്ചത്. ചിത്രം സാമ്പത്തികമായി വിജയമായിരുന്നില്ല എങ്കിലും ഇന്ത്യ നടത്തിയ ഐതിഹാസിക പോരാട്ടത്തെ സമഗ്രമായി ചിത്രീകരിക്കാൻ ചിത്രത്തിന് കഴിഞ്ഞതായി നിരൂപകർ അഭിപ്രായപ്പെടുന്നു.
