മോർസ്ബി: പാപുവ ന്യൂ ഗിനിയയിൽ ഭൂകമ്പം. 6.7 തീവ്രത രേഖപ്പെടുത്തിയ ഭൂകമ്പത്തിൽ നാശനഷ്ടങ്ങൾ ഉണ്ടായതായി രേഖപ്പെടുത്തിയിട്ടില്ലെന്ന് യുണൈറ്റഡ് സ്റ്റേറ്റ്സ് ജിയോളജിക്കൽ സർവേ അറിയിച്ചു.
ഭൂകമ്പത്തിന്റെ പ്രഭവകേന്ദ്രം മഡംഗ് പട്ടണത്തിന് 56.6 കിലോമീറ്റർ തെക്കുകിഴക്കാണെന്നും ഭൂകമ്പത്തിന്റെ ആഴം 53 കിലോമീറ്റർ (33 മൈൽ) ആണെന്നും, യുഎസ്ജിഎസ് അറിയിച്ചു.
മഡംഗ് തീരത്ത് മിനിറ്റുകളുടെ വ്യത്യാസത്തിൽ തുല്യമായ തോതിലുള്ള മറ്റൊരു ഭൂചലനം ഉണ്ടായതായും യുഎസ്ജിഎസ് പറഞ്ഞു.
പാപുവ ന്യൂ ഗിനിയയിൽ ഭൂകമ്പങ്ങൾ സാധാരണമാണ്, എന്നാൽ അപൂർവ്വമായി മാത്രമേ വ്യാപകമായ നാശനഷ്ടങ്ങൾ ഉണ്ടാകാറുള്ളു. പ്രധാന പട്ടണങ്ങൾ ഒഴികെയുള്ള പ്രദേശങ്ങളിൽ ജനവാസം കുറവാണ് അതുകൊണ്ട് തന്നെ നാശനഷ്ടങ്ങൾ അധികം റിപ്പോർട്ട് ചെയ്യാറില്ല.