ടെല് അവീവ്: ദുബായില് നിന്ന് ടെല് അവീവിലേക്ക് പോയ ഫ്ലൈദുബായ് യാത്രാവിമാനത്തില് അടിയന്തര സാഹചര്യം. സൗദി അറേബ്യന് വ്യോമപരിധിയില് എത്തിയപ്പോഴാണ് വിമാനം അടിയന്തര സിഗ്നല് നല്കിയത്. തുടര്ന്ന് വിമാനം ഗതി മാറ്റി സൗദി അറേബ്യയിലെ തബൂക്ക് വിമാനത്താവളത്തില് സുരക്ഷിതമായി ഇറക്കി. വിമാനത്തിലുണ്ടായിരുന്ന യാത്രക്കാരെല്ലാം സുരക്ഷിതരാണെന്ന് ഫ്ലൈദുബായ് വക്താവ് അറിയിച്ചു.
വിമാനം അന്താരാഷ്ട്ര അടിയന്തര കോഡ് 7700 പ്രക്ഷേപിച്ചതോടെയാണ് ആശങ്ക ഉയര്ന്നത്. പിന്നീട് സാധ്യതയുള്ള അനധികൃത ഇടപെടലിനെ സൂചിപ്പിക്കുന്ന 7500 കോഡും ലഭിച്ചതായി റിപ്പോര്ട്ടുകളുണ്ട്. ഇതോടെ വിമാന റാഞ്ചലിനുള്ള സാധ്യത സംശയിച്ച് ഇസ്രായേല് അധികൃതര് അടിയന്തര സുരക്ഷാ നടപടികള് സ്വീകരിച്ചു. ഇസ്രായേല് വ്യോമസേനയുടെ യുദ്ധവിമാനങ്ങള് വിമാനത്തിന്റെ ദിശയിലേക്ക് പറന്നുയര്ന്നതായും റിപ്പോര്ട്ടുണ്ട്.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
സംഭവത്തെ തുടര്ന്ന് ഇസ്രായേല് പ്രധാനമന്ത്രി ബെഞ്ചമിന് നെതന്യാഹുവും സൈനിക ഉദ്യോഗസ്ഥരും അടിയന്തര സുരക്ഷാ വിലയിരുത്തല് നടത്തി. എന്നാല് പിന്നീട് ഇസ്രായേല് അധികൃതര് വിമാനം റാഞ്ചിയതല്ലെന്ന് സ്ഥിരീകരിച്ചു. വിമാനത്തിലെ പൈലറ്റുമാര് തമ്മിലുണ്ടായ ശാരീരിക സംഘര്ഷമാണ് അടിയന്തര സാഹചര്യം സൃഷ്ടിച്ചതെന്നാണ് അധികൃതരെ ഉദ്ധരിച്ചുള്ള റിപ്പോര്ട്ടുകള്. സംഭവത്തില് അന്വേഷണം തുടരുകയാണ്. ദുബായില് നിന്ന് ടെല് അവീവിലേക്കുള്ള FZ1073 വിമാനമാണ് സംഭവത്തില്പ്പെട്ടത്. യാത്രയ്ക്കിടെ വിമാനം സൗദിയിലേക്ക് തിരിച്ചുവിടുകയായിരുന്നു.
