തിരുവനന്തപുരം: സയ്യിദ് മുഷ്താഖ് അലി ട്രോഫി ട്വന്റി 20 ടൂർണമെന്റിനുള്ള കേരള ടീമിന്റെ ക്യാപ്റ്റനായി സഞ്ജു വി സാംസൺ. ഗ്രൂപ്പ് ബിയിൽ ഉൾപ്പെടുന്ന കേരള ടീമിന്റെ വൈസ് ക്യാപ്റ്റൻ രോഹൻ എസ്. കുന്നുമ്മലാണ്. മുംബൈയിൽ വച്ച് ഹിമാചൽ പ്രദേശിനെതിരെയാണ് കേരളത്തിന്റെ ആദ്യ മത്സരം. സിക്കിം, അസം, ബിഹാർ, ചണ്ഡീഗഡ്, ഒഡീഷ, സർവീസസ് എന്നിവരും കേരളത്തിനൊപ്പം ബി ഗ്രൂപ്പിലാണ്.
കർണാടകയിൽ നിന്ന് കേരളത്തിലേക്ക് എൻഒസി വാങ്ങി മാറിയ ഓൾറൗണ്ടർ ശ്രേയസ് ഗോപാൽ ഇത്തവണ ടീമിന്റെ കരുത്ത് വർധിപ്പിക്കും. കഴിഞ്ഞ രഞ്ജി സീസണിൽ കേരളത്തിനായി 50 വിക്കറ്റുകളുമായി തിളങ്ങിയ താരം ജലജ് സക്സേനയും ഇത്തവണ ടീമിലുണ്ട്. ഇന്ത്യൻ ടീമിൽ നിന്ന് തഴയപ്പെട്ട സഞ്ജു സയ്യിദ് മുഷ്താഖ് അലി ട്രോഫിയിൽ മികച്ച പ്രകടനം പുറത്തെടുത്ത് ദേശീയ ടീമിലേക്കുള്ള മടങ്ങിവരവാണ് ലക്ഷ്യമിടുന്നത്.
കേരള ടീം: സഞ്ജു സാംസൺ (ക്യാപ്റ്റൻ), രോഹൻ എസ്. കുന്നുമ്മൽ (വൈസ് ക്യാപ്റ്റൻ), ജലജ് സക്സേന, ശ്രേയസ് ഗോപാൽ, മുഹമ്മദ് അസ്ഹറുദ്ദീൻ, സച്ചിൻ ബേബി, വിഷ്ണു വിനോദ്, അബ്ദുൽ ബാസിത്ത്, സിജോമോൻ ജോസഫ്, വൈശാഖ് ചന്ദ്രൻ, ബേസിൽ തമ്പി, കെ.എം. ആസിഫ്, വിനോദ് കുമാർ, മനു കൃഷ്ണൻ, വരുൺ നായനാർ, അജ്നാസ് എം, മിഥുൻ പി.കെ, സൽമാൻ നിസാർ.
