സന്തോഷ് ട്രോഫിയില്‍ മിന്നും ഫോം തുടര്‍ന്ന് കേരള ടീം. ഗോവയില്‍ ഇന്ന് നടന്ന പ്രാഥമിക റൗണ്ട് പോരാട്ടത്തില്‍ ഒന്നിനെതിരെ ആറു ഗോളുകളാണ് കാശ്മിരിന്റെ വലയില്‍ അടിച്ചു കയറ്റിയത്. ഗുജറാത്തിനെ ആദ്യ മത്സരത്തില്‍ തകര്‍ത്തതിന്റെ ആത്മവിശ്വാസവുമായി കളത്തിലെത്തിയ കേരളത്തിനായിരുന്നു മത്സരത്തിന്റെ കടിഞ്ഞാണ്‍. പന്തടക്കത്തിലും ഫിനിഷിംഗിലും മികവ് പുലര്‍ത്തിയതോടെ കാശ്മീരിന് മറുപടിയുണ്ടായിരുന്നില്ല.
ആദ്യ മത്സരത്തില്‍ കേരളം ഗുജറാത്തിനെ എതിരില്ലാത്ത മൂന്നു ഗോളുകള്‍ക്കും തോല്‍പ്പിച്ചിരുന്നു.ഒക്ടോബര്‍ 15ന് ഛത്തീസ്ഗഡഡിനെതിരെയാണ് മൂന്നാം മത്സരം. എട്ടാം മിനിട്ടില്‍ ജിതിന്റെ വെടുണ്ട ഗോളിലാണ് കേരളം അക്കൗണ്ട് തുറന്നത്. 13-ാ മിനിട്ടില്‍ സജീഷും ആദ്യപകുതി അവസാനിക്കാന്‍ നിമിഷങ്ങള്‍ ശേഷിക്കെ ആഷിഖും കേരളത്തിന്റെ ലീഡ് ഇരട്ടിയാക്കി. ഹെഡറിലൂടെയായിരുന്നു സജീഷ് സ്‌കോര്‍ ചെയ്തത്.
രണ്ടാം പകുതി തുടങ്ങിയതേ ജിതിനിന്റെ നാലാം ഗോളോടെയായിരുന്നു. 66-ാം മിനിട്ടില്‍ അബ്ദു റഹീമും 74-ാം മിനിട്ടില്‍ റിസ്വാന്‍ അലിയും കാശ്മീരിന്റെ വല കുലുക്കി. ജമ്മുകാശ്മീരിനായി ഫൈസലാണ് ആശ്വാസ ഗോള്‍ നേടിയത്.
