ഇന്ത്യ-പാകിസ്താൻ ഏകദിന ലോകപ്പ് 2023 മത്സരം കാണാനെത്തി കേന്ദ്ര ആഭ്യന്തരമന്ത്രി അമിത് ഷാ. പാകിസാതനെ കീഴടക്കിയപ്പോൾ ആഭ്യരമന്ത്രി പുഞ്ചിരി തൂകി. മത്സരം ആരംഭിച്ച് ഏതാനം നിമിഷങ്ങൾക്ക് അകമാണ് അദ്ദേഹം സ്റ്റേഡിയത്തിലെത്തിയത്. വലിയ കരഘോഷത്തിന് നടുവിലൂടെയായിരുന്നു കേന്ദ്രമന്ത്രിയുടെ വരവ്. കൊച്ചുമക്കൾക്കൊപ്പം മത്സരം വീക്ഷിച്ച അമിത് ഷാ ആവേശഭരിതനായിരുന്നു.
മത്സരത്തിൽ പാകിസ്താനെ തകർത്ത് വമ്പൻ വിജയമാണ് ഇന്ത്യ നേടിയത്. ത്രിവർണ പതാകയുമായി വന്ദേ മാതരം മുഴക്കിയും താരങ്ങളുടെ പേരെടുത്ത് ആർപ്പുവിളിച്ചുമായിരുന്നു ഇന്ത്യൻ ടീമിന് കാണികൾ പ്രോത്സാഹനം നൽകിയത്. നരേന്ദ്രമോദി സ്റ്റേഡിയം അക്ഷരാർത്ഥത്തിൽ നീല സാഗരമായിരുന്നു.1,32,000 കാണികളെയാണ് സ്റ്റേഡിയത്തിൽ ഉൾക്കൊള്ളാവുന്നത്.
