റോഡ് നിയമങ്ങൾ സാധാരണക്കാർക്ക് മാത്രം ബാധകമാകുന്ന കാലത്തിലൂടെയാണ് നാം ഇപ്പോൾ കടന്നു പോകുന്നത്. ഹെൽമറ്റില്ലാതെ വാഹനം ഓടിക്കുന്ന ഒരു സാധാരണക്കാരനെ നിരീക്ഷിക്കാൻ പോലീസുകാരും അവരുടെ ക്യാമറകളുമടക്കം നിരവധി സൗകര്യങ്ങളാണ് നിലവിലുള്ളത്. എന്നാൽ ഇതൊന്നും നേതാക്കൾക്ക് ബാധകമല്ലെന്ന് തെളിയിക്കുന്ന വീഡിയോയാണ് ഇപ്പോൾ സമൂഹ മാദ്ധ്യമങ്ങളിൽ പ്രചരിക്കുന്നത്.
കോൺഗ്രസ് നേതാവ് അധിർ രഞ്ജൻ ചൗധരിയാണ് വിവാദങ്ങൾക്ക് തിരികൊളുത്തിരിയിക്കുന്നത്. വെസ്റ്റ് ബെംഗാളിലെ ബേഹാംപൂരിൽ ഒരു ഉദ്ഘാടന ചടങ്ങിൽ റോയൽ എൻഫീൽഡ് ഓടിച്ചാണ് എംപി എത്തിയയത്. താൻ നല്ലൊരു നേതാവായില്ലെങ്കിലും നല്ലൊരു ബൈക്ക് റൈഡർ ആണെന്ന് തെളിയിച്ചിരിക്കുകയാണ് ചൗധരി. കോൺഗ്രസ് നേതാവായത് കൊണ്ട് തനിക്ക് ഹെൽമറ്റ് ഒന്നും ബാധകമല്ലെന്ന രീതിയിലാണ് ചൗധരി വാഹനം ഓടിക്കുന്നത്. ഇതിനുപുറമെ കൈവിട്ട് സ്റ്റൈൽ കാണിച്ച് അതിസാഹസികമായും അദ്ദേഹം വാഹനം ഓടിക്കുന്നുണ്ട്. വീഡിയോ വൈറലായതിനെ തുടർന്ന് പൊതുജനങ്ങളും പ്രതികരിച്ച് രംഗത്തെത്തിയതോടെ ചൗധരി പങ്കുവെച്ച പ്രതികരണവും മറ്റൊരു വിവാദത്തിൽ കലാശിച്ചിരിക്കുകയാണ്.
#WATCH | Murshidabad, West Bengal: Congress Leader Adhir Ranjan Chowdhury rides bike near Berhampore pic.twitter.com/ydjoHq5hqN
— ANI (@ANI) October 15, 2023
“>
‘ പോലീസ് ഇതിനെതിരെ കേസ് എടുത്താലും എനിക്ക് ഒരു പ്രശ്നവുമില്ല. എന്നാൽ താൻ വാഹനം ഓടിച്ച സമയത്ത് റോഡിൽ ആരും ഇല്ലായിരുന്നു എന്നുമാണ് ചൗധരിയുടെ ന്യായീകരണം. ബേഹാംപൂർ എംപിയായ അധിർ രഞ്ജൻ ചൗധരിക്ക് അകമ്പടികളുമായി നിരവധി വാഹനങ്ങളും പിന്നാലെ വരുന്നത് വീഡിയോയിൽ കാണാം. നിയമം എല്ലാവർക്കും ഒരുപോലെ ബാധകമാണെന്ന് പറയുമ്പോഴും ഇത്തരം ‘ഒറ്റപ്പെട്ട’ നിരവധി സംഭവങ്ങൾ കാണാൻ സാധരണക്കാർ ഇനിയും ബാധ്യസ്ഥരാണെന്ന് തെളിയിക്കുന്നതാണ് കോൺഗ്രസ് നേതാവിന്റെ ഈ ദൃശ്യങ്ങൾ.
