ഏകദിന ലോകകപ്പിലെ പാകിസ്താൻ പേസർ ഹാരിസ് റൗഫിന്റെ പ്രകടനത്തെ വിമർശിച്ച് വസീം അക്രം. ഇന്ത്യക്കെതിരെ നടന്ന മത്സരത്തിൽ 6 ഓവറിൽ 43 റൺസാണ് താരം വഴങ്ങിയത്. എന്നാൽ ഇന്ത്യൻ താരങ്ങളുടെ വിക്കറ്റ് വീഴ്ത്തുന്നതിൽ ഹാരിസ് പരാജയപ്പെട്ടു. ലോകകപ്പിൽ ഇതുവരെ നടന്ന മത്സരങ്ങളിലെല്ലാം താരം തല്ല് വാങ്ങിയിരുന്നു. ബാറ്റർമാർ ആക്രമിച്ചു കളിക്കുമ്പോഴാണ് റൗഫിന് വിക്കറ്റ് കിട്ടുന്നതെന്നും അക്രം പറഞ്ഞു.
പാക് നിരയിലെ പ്രധാനപ്പെട്ട ബൗളറാണ് ഹാരിസ്. പക്ഷേ ബാറ്റർമാരെ വിറപ്പിക്കുന്ന രീതിയിലല്ല താരത്തിന്റെ ബൗളിംഗ്. ഇന്ത്യൻ താരം ജസ്പ്രീത് ബുമ്ര പന്ത് സ്വിംഗ് ചെയ്ത് വിക്കറ്റ് വീഴ്ത്തുന്നത് പോലെ ഹാരിസ് വിക്കറ്റ് നേടുന്നത് ഞാൻ ഇതുവരെയും കണ്ടിട്ടില്ല. ഏകദിന ക്രിക്കറ്റിലെ പ്രകടനം മികച്ചതാക്കാൻ താരമിനിയും ബൗളിംഗ് മെച്ചപ്പെടുത്തണമെന്നും അദ്ദേഹം പറഞ്ഞു.