ന്യൂഡൽഹി: പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തി ഗൂഗിൾ ആൽഫ സിഇഒ സുന്ദർ പിച്ചൈ. ഗൂഗിളിന് ഇന്ത്യയിലെ പ്രവർത്തനങ്ങളെ കുറിച്ച് കൂടിക്കാഴ്ചയിൽ ചർച്ച ചെയ്തതായി സുന്ദർ പിച്ചൈ വ്യക്തമാക്കി. പ്രധാനമന്ത്രിക്ക് നന്ദി അറിയിച്ചു കൊണ്ട് പങ്കുവച്ച കുറിപ്പിലാണ് അദ്ദേഹം ഇക്കാര്യങ്ങൾ അറിയിച്ചത്. .
ഓൺലൈൻ വഴിയായിരുന്നു കൂടിക്കാഴ്ച. ഇന്ത്യയിൽ ഇലക്ട്രോണിക്സ് ഉത്പാദനം വിപുലീകരിക്കുന്നതിൽ ഗൂഗിളിന്റെ പങ്കാളിത്തത്തെ കുറിച്ച് ഇരുവരും ചർച്ച ചെയ്തു. എച്ച്പിയുമായി ചേർന്ന് ഇന്ത്യയിൽ ക്രോംബുക്സ് നിർമ്മിക്കാനുള്ള തീരുമാനത്തേയും പ്രധാനമന്ത്രി അഭിനന്ദിച്ചു.
കൂടാതെ ഗൂഗിളിന്റെ 100 ഭാഷ സംരംഭത്തെ അദ്ദേഹം അംഗീകരിക്കുകയും കൂടുതൽ ഇന്ത്യൻ ഭാഷകൾക്കായി AI ടൂളുകൾ ലഭ്യമാക്കുന്നതിനുള്ള ശ്രമങ്ങളെ പ്രോത്സാഹിപ്പിക്കുകയും ചെയ്തു. മികച്ച ഗവൺമെന്റ് സേവനങ്ങൾക്കായുള്ള AI ടൂളുകൾ പ്രവർത്തിപ്പിക്കാൻ പ്രധാനമന്ത്രി സുന്ദർപിച്ചൈയുമായി സംസാരിച്ചുവെന്നും പ്രധാനമന്ത്രിയുടെ ഔദ്യോഗിക പ്രസ്താവനയിൽ പറയുന്നു.
ഗാന്ധിനഗറിലെ ഗുജറാത്ത് ഇന്റർനാഷണൽ ഫിനാൻസ് ടെക്-സിറ്റിയിൽ ഗ്ലോബൽ ഫിൻടെക് ഓപ്പറേഷൻസ് സെന്റർ തുറക്കുന്നതിനുള്ള ഗൂഗിളിന്റെ പദ്ധതികളെ മോദി സ്വാഗതം ചെയ്തു. ഇന്ത്യയുടെ വികസന പാതയിലേക്ക് സംഭാവന നൽകാനുള്ള ഗൂഗിളിന്റെ തീരുമാനത്തെ പ്രധാനമന്ത്രി സ്വാഗതം ചെയ്തു.ഗൂഗിൾ പേയുടെ സ്വീകാര്യത പ്രയോജനപ്പെടുത്തി ഇന്ത്യയുടെ സാമ്പത്തിക വികസന മേഖലയ്ക്ക് കരുത്ത് പകരാനുള്ള ഗൂഗിളിന്റെ പദ്ധതികളെ കുറിച്ചും പിച്ചൈ പ്രധാനമന്ത്രിയുമായി സംസാരിച്ചു.
ഈ വർഷം ഡിസംബറിൽ ഇന്ത്യ ആതിഥേയത്വം വഹിക്കുന്ന AI ഉച്ചകോടിയിൽ ആഗോള പങ്കാളിത്തത്തിലേക്ക് സംഭാവന ചെയ്യുന്നതിന് പ്രധാനമന്ത്രി ഗൂഗിളിനെ ക്ഷണിച്ചു.
Thank you for your time, PM @narendramodi – very optimistic about your vision for Digital India and excited to continue our work towards it. Later today we’ll share our next steps on that journey at #GoogleForIndia.
— Sundar Pichai (@sundarpichai) July 13, 2020
“>