ചെന്നൈ: സാനിറ്ററി പാഡിൽ ഒളിപ്പിച്ച് കടത്താൻ ശ്രമിച്ച സ്വർണ്ണം പിടികൂടി കസ്റ്റംസ്. ട്രിച്ചി വിമാനത്താവളത്തിൽ കഴിഞ്ഞ വെള്ളിയാഴ്ചയായിരുന്നു സംഭവം. 24 കാരറ്റിന്റെ 612 ഗ്രാം സ്വർണ്ണമായിരുന്നു പാഡിൽ ഒളിപ്പിച്ച് കടത്താൻ ശ്രമിച്ചത്. ഇതിന്റെ വീഡിയോ ദൃശ്യങ്ങൾ കസ്റ്റംസ് ഉദ്യോഗസ്ഥർ പങ്കുവച്ചു. ഏകദേശം 38 ലക്ഷം രൂപയോളം വിലമതിക്കുന്ന സ്വർണ്ണം പിടിച്ചെടുത്തതായി കസ്റ്റംസ് അറിയിച്ചു. പേസ്റ്റ് രൂപത്തിലാക്കിയാണ് സ്വർണ്ണം പാഡിനുള്ളിൽ ഒളിപ്പിച്ചിരുന്നത്. നേരത്തെ ബെംഗളൂരുവിലെ കെംപഗൗഡ വിമാനത്താവളത്തിൽ നിന്നും കസ്റ്റംസ് സ്വർണ്ണം പിടികൂടിയിരുന്നു. നട്സിൽ ഒളിപ്പിച്ച് കടത്താൻ ശ്രമിച്ച സ്വർണ്ണമായിരുന്നു കസ്റ്റംസിന്റെ ശ്രദ്ധയിൽപ്പെട്ടത്. പിസ്ത, ബദാം, അണ്ടിപ്പരിപ്പ് എന്നിവയ്ക്കിടയിൽ ചെറിയ തകിട് രൂപത്തിലാക്കിയാണ് സ്വർണ്ണം ഒളിപ്പിക്കാൻ ശ്രമിച്ചത്.
#WATCH | Tamil Nadu: On Oct 20, the officers of Trichy Airport customs recovered 612 gm gold of 24K purity valued at Rs 37.58 lakh extracted from two gold paste packets that were concealed in sanitary napkins at Trichy airport: Customs
(Source: Customs) pic.twitter.com/KIiH5R4FWH
— ANI (@ANI) October 21, 2023
“>