നാളെയ്ക്ക് വേണ്ടി കരുതി വെക്കാനായി താത്പര്യപ്പെടുന്നവരാകും മിക്കവരും. അതിനായി പലരും നിക്ഷേപ പദ്ധതികളിലും എൽഐസി പോലുള്ളവയിൽ ചേരാറുണ്ട്. അത്തരത്തിൽ നിക്ഷേപത്തിനും പറ്റിയ മികച്ച മാർഗമാണ് പോസ്റ്റ് ഓഫീസ് സേവിംഗ് സ്കീമുകൾ. നിക്ഷേപത്തിന് പുറമേ സമ്പാദ്യവും ഈ സ്കീമുകൾ നൽകുന്നു. അത്തരത്തിൽ ഏറെ പ്രചാരത്തിലുള്ള സ്കീമാണ് പോസ്റ്റ് ഓഫീസിന്റെ പ്രതിമാസ വരുമാന പദ്ധതി. ഒറ്റ തവണ നിക്ഷേപിച്ചാൽ പ്രതിനമാസം 9,000 രൂപയാണ് സ്ഥിര വരുമാനമായി ലഭിക്കുക. ബാങ്കുകളേക്കാൾ കൂടുകൽ പലിശയും സുരക്ഷയും ഈ പദ്ധതി നൽകുന്നു. അഞ്ച് വർഷത്തേക്കാണ് പദ്ധതിയിൽ പണം ലഭിക്കുക.
ഒറ്റ അക്കൗണ്ട് വഴിയാണെങ്കിൽ പോസ്റ്റ് ഓഫീസ് പ്രതിമാസ സേവിംഗ്സ് സ്കീമിൽ കുറഞ്ഞത് 1,000 രൂപയും പരാമവധി 9 ലക്ഷം രൂപ വരെയും നിക്ഷേപിക്കാവുന്നതാണ്. ജോയിന്റ് അക്കൗണ്ടിലൂടെയാണ് പണം നിക്ഷേപിക്കുന്നതെങ്കിൽ 15 ലക്ഷം രൂപയാണ് നിക്ഷേപ പരിധി. പരമാവധി മൂന്ന് പേർക്കാണ് നിക്ഷേപിക്കാൻ സാധിക്കുക. ഈ സേവിംഗ്സ് സ്കീമിൽ നിലവിൽ 7.4 ശതമാനം വാർഷിക പലിശയാണ് ലഭിക്കുന്നത്.
നിക്ഷേപത്തിന് ലഭിക്കുന്ന ഈ വാർഷിക പലിശ 12 മാസത്തേക്ക് വിതരണം ചെയ്യുകയും അതിന് ശേഷം എല്ലാ മാസവും ഈ തുക ലഭിക്കുകയും ചെയ്യുന്നു. പണം പിൻവലിച്ചില്ലെങ്കിൽ ഈ തുക പോസ്റ്റ് ഓഫീസ് സേവിംഗ്സ് അക്കൗണ്ടിൽ നിലനിൽക്കും. ഈ പണം നിക്ഷേപ തുകയ്ക്കൊപ്പം ചേർക്കുന്നതിലൂടെ കൂടുതൽ പലിശ ലഭിക്കുകയും ചെയ്യും. എല്ലാ മാസവും 9,000 രൂപയിൽ കൂടുതൽ സ്ഥിരവരുമാനം വേണമെന്നുണ്ടെങ്കിൽ ഇതിനായി ഒരു ജോയിന്റ് അക്കൗണ്ട് തുടങ്ങാവുന്നതാണ്.