തെന്നിന്ത്യയുടെ പ്രിയ നായികയാണ് അമല പോൾ. മലയാളിയായ അമല തമിഴ് സിനിമയിലാണ് അരങ്ങേറ്റം കുറിച്ചത്. തെന്നിന്ത്യയിലെ മിക്ക മുൻനിര നായകൻമാർക്കൊപ്പവും അമല അഭിനയിച്ചിരുന്നു. മൈനയായിരുന്നു താരത്തിന്റെ സിനിമയിലെ ഭാവി മാറ്റിക്കുറിച്ച ചിത്രം. മലയാളത്തിലും നിരവധി സിനിമകളിൽ താരം മികച്ച പ്രകടനം കാഴ്ച വെച്ചിട്ടുണ്ട്. സിനിമയെ പോലെ തന്നെ യാത്രകളും ഇഷ്ടപ്പെടുന്നൊരാളാണ് അമല. യാത്രാ വിശേഷങ്ങളും പുത്തൻ ചിത്രങ്ങളും സമൂഹമാദ്ധ്യമങ്ങളിലൂടെ താരം പങ്കുവെക്കാറുണ്ട്.
View this post on Instagram
ഇപ്പോഴിതാ താരം തന്റെ ജീവിതത്തിലെ പുതിയ വിശേഷം പങ്കുവെക്കുകയാണ്. താരം വീണ്ടും വിവാഹിതയാകാൻ പോവുകയാണെന്ന തരത്തിലുള്ള വാർത്തകളാണ് പുതിയ പോസ്റ്റിലൂടെ പങ്കുവെക്കുന്നത്. സുഹൃത്തായ ജഗത് ദേശായി അമലയോട് പ്രണയം തുറന്നു പറയുകയും അമലാ പോൾ പ്രണയം അംഗീകരിച്ചുകൊണ്ട് പ്രണയ മോതിരം ഏറ്റുവാങ്ങുന്നതായും വീഡിയോയിൽ കാണാം.
പ്രപ്പോസിംഗ് വീഡിയോ ജഗത് സോഷ്യൽ മീഡിയയിൽ പങ്കുവെച്ച് ഒരു കുറിപ്പും ചേർത്തു. ഒടുവിൽ എന്റെ ജിപ്സി ക്വീൻ സമ്മതം അറിയിച്ചിരിക്കുന്നു. വിവാഹ മണികൾ മുഴങ്ങുന്നു. എന്റെ പ്രിയപ്പെട്ടവൾക്ക് ജന്മദിനാശംസകൾ എന്നാണ് ജഗതിന്റെ കുറിപ്പ്.
നേരത്തെ തമിഴ് സംവിധായകൻ എ എൽ വിജയിയെ ആയിരുന്നു അമല വിവാഹം കഴിച്ചത്. നാല് വർഷം നീണ്ട പ്രണയത്തിനൊടുവിലായിരുന്നു ഇരുവരും വിവാഹിതരായത്. എന്നാൽ രണ്ട് വർഷത്തെ ദാമ്പത്യ ജീവിതത്തിനൊടുവിൽ ഇരുവരും വേർപിരിയുകയായിരുന്നു. ശേഷം വിജയ് പുനർവിവാഹിതനായെങ്കിലും അമല സിനിമയിൽ കൂടുതൽ ശ്രദ്ധ നൽകുകയായിരുന്നു.