ഞെട്ടിപ്പിക്കുന്നൊരു വീഡിയോ…! അക്ഷരാര്ത്ഥത്തില് ഞെട്ടിപ്പിക്കുന്നതെന്ന് പറയേണ്ടിവരും. മദ്ധ്യപ്രദേശിലെ നര്മ്മദാപുരത്ത് നിന്നുള്ള വീഡിയോയാണ് വൈറലായത്. പൈപ്പില് കുടുങ്ങി അവശതയിലായ വിഷ പാമ്പിന് സിപിആര് നല്കുന്ന പോലീസുകാരന്റെ വീഡിയോയാണ് സോഷ്യല് മീഡയയുടെ ശ്രദ്ധയാകര്ഷിച്ചത്. സെമാരി ഹരിചന്ദ് സിറ്റിയിലായിരുന്നു വിചിത്ര സംഭവം.
പാമ്പ് പൈപ്പ് ലൈനില് കുടുങ്ങിയതായി കണ്ടെത്തിയതോടെയാണ് രക്ഷാപ്രവര്ത്തകര് പരിശോധന ആരംഭിച്ചത്. ഇതിനെ പുറത്തെത്തിക്കാന് കീടനാശിനി കലര്ത്തിയ വെള്ളം ഉപയോഗിച്ചു. ഇതോടെ പാമ്പിന്റെ ചലനമറ്റു. പുറത്തെത്തിച്ച പാമ്പിന് ജീവന് നഷ്ടമാകുമെന്ന അവസ്ഥയിലെത്തിയതോടെയാണ് പോലീസുകാരനായ അതുല് ശര്മ്മ സിപിആര് നല്കാന് തീരുമാനിച്ചത്.
മനുഷ്യന്മാര്ക്ക് നല്കുന്നത് പോലെ പാമ്പിന്റെ വായ തുറന്നുവച്ച് സിപിആര് നല്കിയ ശേഷം വളരെ ശ്രദ്ധയോടെ, അദ്ദേഹം പാമ്പിന്റെ നെഞ്ചില് തട്ടി ചെറിയ കമ്പ്രഷനും നല്കി. ഇതു പല തവണ ആവര്ത്തിച്ചു. ചെറിയ രീതിയില് ജീവന് തുടിപ്പുകള് കാണിച്ച പാമ്പ് നിമിഷങ്ങള്കൊണ്ട് തിരികെ ജീവിതത്തിലേക്ക് മടങ്ങിയെത്തി. 2008 മുതല് മൃഗങ്ങളെ രക്ഷപ്പെടുത്തുന്നതില് തത്പ്പരനാണ് അതുല് ശര്മ്മ. ഇതുവരെ അഞ്ഞൂറിലേറെ പാമ്പുകളെയും രക്ഷിച്ചിരുന്നു. ജീവന് ലഭിച്ച പാമ്പിനെ പിന്നീട് കാട്ടിലേക്ക് തുറന്നു വിട്ടു.
CPR देकर इंसानों की जान बचाने का वीडियो आपने देखा होगा पर “साप को CPR” देकर बचाने का शायद यह देश का पहला मामला होगा !
नर्मदापुरम के सेमरी हरचंद शहर में पुलिस आरक्षक अतुल शर्मा ने सीपीआर देकर सांप की जान बचाई। pic.twitter.com/HHG5KPydOp
— काश/if Kakvi (@KashifKakvi) October 25, 2023
“>
