മലയാള സിനിമയില് പോലീസ് വേഷം സുരേഷ് ഗോപിയോളം മറ്റാര്ക്കും ചേരില്ല എന്ന് നിസംശയം പറയാം. അത്രയ്ക്കും മികച്ച രീതിയിലാണ് തന്റെ ഓരോ പോലീസ് കഥാപാത്രങ്ങളെയും സുരേഷ് ഗോപി കൈകാര്യം ചെയ്യന്നത്. എന്നാല് അതില് നിന്നും മലയാള സിനിമാ ആരാധകര്ക്ക് ഒരിക്കലും മറക്കാനാവാത്ത പേരാണ് ഭരത് ചന്ദ്രന് ഐപിഎസ്. 1994 ല് പുറത്തിറങ്ങി ബോക്സോഫീസ് ഹിറ്റുകളില് ഒന്നായി മാറിയ കമ്മീഷണറിലെ ഭരത് ചന്ദ്രന് എന്ന കഥാപാത്രം സുരേഷ് ഗോപിയുടെ കരിയറിന് തന്നെ വഴിത്തിരിവായിരുന്നു. സുരേഷ് ഗോപിയുടെ ശക്തമായ കഥാപാത്രത്തെ കമ്മീഷണര് എന്ന ചിത്രത്തിലൂടെ നമ്മളിലേക്കെത്തിച്ചത് സംവിധായകന് ഷാജി കൈലാസും തിരക്കഥാകൃത്ത് രഞ്ജിപണിക്കരുമാണ്.
2005 ല് ഭരത് ചന്ദ്രന് ഐപിഎസ് എന്ന ചിത്രത്തിലൂടെ രഞ്ജിപണിക്കര് വീണ്ടും ആ കഥാപാത്രത്തെ പ്രേക്ഷകരിലേക്കെത്തിച്ചു. ഭരത്ചന്ദ്രന് ഐപിഎസ് എന്ന കഥാപാത്രത്തെ വീണ്ടും ആരാധകരിലേക്ക് എത്തിച്ച സംവിധായകന് രഞ്ജി പണിക്കര് അതിൽ നൂറു ശതമാനം വിജയിക്കുകയും ചെയ്തു. സുരേഷ് ഗോപി സിനിമകളെ ഓര്ക്കുമ്പോള് ആദ്യം മനസ്സിലേക്ക് വരുന്നത് കമ്മീഷണര് എന്ന സിനിമയും അതിലെ കിടിലന് ഡയലോഗുമാണ്.
View this post on Instagram
ഇപ്പോഴിതാ വീണ്ടും ഭരത് ചന്ദ്രന് ഐപിഎസ് വെള്ളിത്തിരയില് എത്തുമോ എന്ന ചര്ച്ച സജീവമാകുകയാണ്. സംവിധായകന് ഷാജി കൈലാസ് സമൂഹമാദ്ധ്യമത്തിൽ പങ്കുവെച്ച ഒരു പോസ്റ്റാണ് ഈ ചർച്ചകൾക്കുള്ള കാരണം. കമ്മീഷണര് സിനിമയുടെ പഴയ പത്ര പരസ്യം തന്റെ ഇന്സ്റ്റഗ്രാമിൽ പങ്കുവെച്ച ഷാജി കൈലാസ് ‘വീ വില് മീറ്റ് എഗെയ്ന്’എന്നാണ് ക്യാപ്ഷന് നല്കിയിരിക്കുന്നത്. ഇത് ഭരത് ചന്ദ്രന് ഐപിഎസ് വീണ്ടും എത്തുന്നു എന്ന തരത്തിലുള്ള വാർത്തകൾക്ക് ഇടയാക്കി. എന്നാൽ പുതിയ പ്രൊജക്ട് സംബന്ധിച്ച് വിവരങ്ങള് ഔദ്യോഗികമായി പുറത്തുവന്നിട്ടില്ല. ഇതുസംബന്ധിച്ച് സുരേഷ് ഗോപിയോ സംവിധായകനോ പ്രതികരിച്ചിട്ടില്ല.
