എട്ട് ഭാരതീയർക്ക് വധശിക്ഷ വിധിച്ച് ഖത്തർ; ഖത്തറുമായി ആശയ വിനിമയം നടത്തിവരികയാണെന്ന് വിദേശകാര്യ മന്ത്രാലയം

ഖത്തർ: ഭാരതീയർക്ക് വധശിക്ഷ വിധിച്ച് ഖത്തർ. തടവിൽ കഴിഞ്ഞിരുന്ന എട്ട് ഭാരതീയർക്കാണ് വധശിക്ഷ വിധിച്ചിരിക്കുന്നത്. എല്ലാവരും 60 വയസിന് മുകളിൽ പ്രായമുള്ളവരാണെന്നാണ് ലഭിക്കുന്ന വിവരം.

ഖത്തറിന്റെ നടപടി ഞെട്ടിപ്പിക്കുന്നതാണെന്ന് വിദേശകാര്യ മന്ത്രാലയം പ്രതികരിച്ചു. സംഭവത്തെ കുറിച്ച് കൂടുതൽ വിവരങ്ങൾക്കായി ഖത്തറുമായി ആശയ വിനിമയം നടത്തിവരികയാണെന്നും വിദേശകാര്യമന്ത്രാലയം അറിയിച്ചു. നവതേജ് സിംഗ് ഗിൽ, ബീരേന്ദ്ര കുമാർ വർമ, സൗരഭ് വസിഷ്ത്, അമിത് നാഗ്പാൽ, പൂർണേന്ദു തിവാരി, സുഗുണാകർ പകല, സഞ്ജീവ് ഗുപ്ത, നാവികൻ രാഗേഷ് എന്നിവർക്കാണ് ശിക്ഷ വിധിച്ചത്.