എയർപോർട്ട് അതോറിറ്റിയിൽ ജൂനിയർ എക്സിക്യൂട്ടീവ് തസ്തികയിൽ ഒഴിവുകൾ. എയർട്രാഫിക് കൺട്രോൾ തസ്തികയിൽ 496 ഒഴിവുകളാണ് ഉള്ളത്. ബിരുദ യോഗ്യതയുള്ളവർക്കാണ് അവസരം. 40,000-നും 1,40,000-നും അടുത്താണ് ശമ്പളം. സിബിടി ഓൺലൈൻ പരീക്ഷ, വോയിസ് ടെസ്റ്റ് അല്ലെങ്കിൽ സൈക്കോ ആക്ടീവ് സബ്സ്റ്റൻസ് ടെസ്റ്റ്, സൈക്കോളജിൽ അസസ്മെന്റ് ടെസ്റ്റ്, മെഡിക്കൽ ടെസ്റ്റ് എന്നിവ നടത്തിയാകും ഉദ്യോഗാർത്ഥികളെ തിരഞ്ഞെടുക്കുക.
ഫിസിക്സ്, ഗണിതം എന്നീ വിഷയങ്ങളോടെ മൂന്ന് വർഷത്തെ റഗുലർ അല്ലെങ്കിൽ ഫുൾടൈം ബിഎസ്സി ബിരുദമോ ഏതെങ്കിലും ഡിസിപ്ലിനിൽ എഞ്ചിനീയറിംഗ് ബിരുദമോ ഉള്ളവർക്കാണ് അപേക്ഷിക്കാൻ അവസരം. ഇംഗ്ലീഷ് ഭാഷാ പ്രാവീണ്യം ഉള്ളവരായിരിക്കണം. അപേക്ഷകരുടെ പ്രായപരിധി 27 വയസാണ്. സംവരണ വിഭാഗങ്ങൾക്ക് നിയമാനുസൃത വയസിളവ് ലഭിക്കും.
അപേക്ഷ ഫീസ് 1,000 രൂപയാണ്. എസ്സി, എസ്ടി, പിഡബ്ല്യൂബിഡി, വനിതകൾ എന്നീ വിഭാഗങ്ങളിൽ ഉൾപ്പെടുന്നവർക്ക് ഫീസ് നൽകേണ്ടതില്ല. ഓൺലൈൻ മുഖേന നവംബർ ഒന്ന് മുതൽ 30 വരെ അപേക്ഷ സമർപ്പിക്കാനാകും.
