ജിയോ ബേബി ജോർജ് നിർമ്മിക്കുന്ന ഏറ്റവും പുതിയ ചിത്രം ‘ഇത്തിരി നേരം’ ത്തിന്റെ ടെറ്റിൽ പോസ്റ്റർ പുറത്തിറക്കി. പ്രശാന്ത് വിജയ് സംവിധാനം ചെയ്യുന്ന ചിത്രത്തിൽ റോഷൻ മാത്യു, സറിൻ ശിഹാബ്, നന്ദു എന്നിവരടങ്ങിയ താരനിരയാണ് അണിനിരക്കുന്നത്. മഞ്ജു വാര്യർ, കുഞ്ചാക്കോ ബോബൻ, ടോവിനോ തോമസ്, ആന്റണി വർഗീസ് പെപ്പെ, നിമിഷ സജയൻ തുടങ്ങിയ താരങ്ങളുടെ സോഷ്യൽ മീഡിയ പേജുകളിലൂടെയാണ് ചിത്രത്തിന്റെ ടൈറ്റിൽ പോസ്റ്റർ പുറത്തിറക്കിയത്.
ജിയോ ബേബി ജോർജ് നിർമ്മിച്ച ജനപ്രിയ ശ്രദ്ധയാകർഷിച്ച ‘പുരുഷ പ്രേത’ ത്തിന് ശേഷം മാൻകൈൻഡ് സിനിമാസ്, എയ്ൻസ്റ്റീൻ മീഡിയ, സിമ്മെട്രി സിനിമാസ് എന്നിവയുടെ ബാനറുകളിൽ ജോമോൻ ജേക്കബ്, എയ്ൻസ്റ്റീൻ സാക്ക് പോൾ, ഡിജോ അഗസ്റ്റിൻ, സജിൻ എസ്. രാജ്, വിഷ്ണു രാജൻ എന്നിവർ ചേർന്നാണ് ‘ഇത്തിരി നേരം’ നിർമ്മിക്കുന്നത്. വിശാഖ് ശക്തിയാണ് ചിത്രത്തിന്റെ രചന നിർവഹിക്കുന്നത്.
