എറണാകുളം: കൊച്ചി രാജ്യാന്തര വിമാനത്താവളത്തിൽ വൻ സ്വർണവേട്ട. അരക്കോടി രൂപയുടെ സ്വർണം കസ്റ്റംസ് പിടികൂടി. മൂന്ന് പേരിൽ നിന്നായാണ് സ്വർണം പിടികൂടിയത്. ബാങ്കോക്കിൽ നിന്നും വന്ന കോഴിക്കോട് സ്വദേശി ഹിസ്ഹാം മർഷദിനെ കോഴിക്കോട് നിന്നുള്ള ഡിആർഐ യൂണിറ്റ് നൽകിയ രഹസ്യവിവരത്തെ തുടർന്നാണ് പിടികൂടിയത്. 26 ലക്ഷം രൂപവില വരുന്ന 500 ഗ്രാം സ്വർണം ഇയാൾ സോക്സിനുള്ളിലായി ഒളിപ്പിച്ച് കടത്താൻ ശ്രമിക്കുകായിരുന്നു,
കസ്റ്റംസ് നടത്തിയ മറ്റു പരിശോധനകളിൽ ദുബായിൽ നിന്നെത്തിയ കോഴിക്കോട് സ്വദേശി സക്കറിയയിൽ നിന്ന് 11 ലക്ഷം രൂപ വിലവരുന്ന 216 ഗ്രാം സ്വർണവും പാലക്കാട് സ്വദേശി ഇജാസ് ഇസ്മായിലിൽ നിന്ന് 12 ലക്ഷം രൂപ വില വരുന്ന 232 ഗ്രാം സ്വർണവും പിടികൂടി.
സക്കറിയ മൂന്ന് ജീൻസുകളിലായി തുന്നി പിടിപ്പിച്ച അഞ്ച് ബട്ടൻസുകളുടേയും ഒരു ഹെയർ ക്ലിപ്പിന്റേയും ഒരു മോതിരത്തിന്റേയും രൂപത്തിലാക്കി സ്വർണം ഒളിപ്പിക്കുകയായിരുന്നു.