ഫ്രാൻസിസ് ഇട്ടിക്കോര എന്ന ഒറ്റ നോവൽ മതി മലയാളിൾക്ക് ടി.ഡി.രാമകൃഷ്ണൻ എന്ന സാഹിത്യകാരനെ ഓർക്കാൻ. തന്റെ കൃതികളിൽ എപ്പോഴും വ്യത്യസ്തത കൊണ്ടുവരാൻ ശ്രമിക്കുന്ന സാഹിത്യകാരൻ കൂടിയാണ് അദ്ദേഹം. വരുന്ന വർഷം വളരെ അധികം പ്രത്യേകതകൾ ഉള്ള വർഷം കൂടിയാണ് അദ്ദേഹത്തിന്. ടി ഡി രാമകൃഷ്ണന്റെ പുത്തൻ വിശേഷങ്ങൾ ഇങ്ങനെ..
മമ്മൂട്ടിയെ നായകനാക്കി രാഹുൽ സദാശിവൻ സംവിധാനം ചെയ്യുന്ന ഭ്രമയുഗം എന്ന ചിത്രത്തിന്റെ സംഭാഷണം നിർവഹിച്ചിരിക്കുന്നത് ടി.ഡി.രാമകൃഷ്ണനാണ്. ഒരു ഹൊറർ ത്രില്ലറാണ് ചിത്രം. കൂടാതെ ഫ്രാൻസിസ് ഇട്ടിക്കോര നോവലിന്റെ രണ്ടാം ഭാഗത്തിന്റെ പണിപ്പുരയിലുമാണ് അദ്ദേഹം. കോരപ്പാപ്പന് സ്തുതിയായിരിക്കട്ടെ എന്നാണ് രണ്ടാം ഭാഗത്തിന്റെ പേര്.
നേരത്തെ ഓള് എന്ന ഷെയിൻ നിഗം ചിത്രത്തിനും അദ്ദേഹം സംഭാഷണം രചിച്ചിട്ടുണ്ട്. ആൽഫ, ഫ്രാൻസിസ് ഇട്ടിക്കോര, സുഗന്ധി എന്ന ആണ്ടാൾ ദേവനായകി എന്നിവയാണ് അദ്ദേഹത്തിന്റെ പ്രശസ്തമായ കൃതികൾ. കൂടാതെ നിരവധി അന്യഭാഷ നോവലുകൾ മലയാളത്തിലേക്ക് വിവർത്തനം ചെയ്തിട്ടുണ്ട്.
