ജയറാം നായകനായെത്തുന്ന മിഥുന് മാനുവല് തോമസ് ചിത്രം ‘അബ്രഹാം ഓസ്ലറിന്റെ’ റിലീസിനായി കാത്തിരിക്കുകയാണ് പ്രേക്ഷകർ. സുരേഷ് ഗോപി ചിത്രം ഗരുഡൻ കൂടി എത്തിയതോടെ ഓസ്ലറിനായുള്ള കാത്തിരിപ്പിന് ഇരട്ടി പ്രതീക്ഷയാണ്. ഗരുഡന്റെ തിരക്കഥ മിഥുൻ മാനുവല് തോമസിന്റേതാണ്. ഈ ചിത്രത്തിന്റെ തിരക്കഥ വലിയ ചര്ച്ചയായി മാറിയതോടെയാണ് പ്രേക്ഷകർ ത്രില്ലിലായത്.
ഇപ്പോഴിതാ മിഥുൻ മാനുവേല് തോമസിന്റെ സംവിധാനത്തിലുള്ള ചിത്രം ഓസ്ലറിന്റെ പുതിയ അപ്ഡേറ്റാണ് ആരാധകരുടെ ശ്രദ്ധയാകര്ഷിക്കുന്നത്. ജനുവരി 11നാണ് ജയറാം നായകനാകുന്ന ചിത്രം ഓസ്ലര് റിലീസ് ചെയ്യുക എന്നാണ് പുതിയ റിപ്പോര്ട്ട്. തിരക്കഥ ഡോ. രണ്ധീര് കൃഷ്ണന്റേതാണ്. ഛായാഗഹണം തേനി ഈശ്വറാണ്. ഓസ്ലറില് മമ്മൂട്ടി ഒരു അതിഥി കഥാപാത്രമായി എത്തുമ്പോള് അർജുൻ അശോകൻ, ജഗദീഷ്, ദിലീഷ് പോത്തൻ, അനശ്വര രാജൻ, സെന്തിൽ കൃഷ്ണ, അർജുൻ നന്ദകുമാർ, ആര്യ സലിം, അസീം ജമാൽ എന്നിവരും പ്രധാന വേഷങ്ങളിൽ എത്തുന്നുണ്ട്. നേരമ്പോക്കിന്റെ ബാനറിൽ ഇർഷാദ് എം.ഹസ്സനും മിഥുൻ മാനുവൽ തോമസും ചേർന്നാണ് ഈ ചിത്രം നിർമ്മിക്കുന്നത്.
ജയറാമിന് ബ്രേക്ക് ആവുമെന്ന് കരുതപ്പെടുന്ന ചിത്രത്തിലെ അദ്ദേഹത്തിന്റെ ലുക്ക് ഏറെ ശ്രദ്ധ നേടിയിരുന്നു. അഞ്ചാം പാതിരാ എന്ന സൂപ്പര്ഹിറ്റ് ചിത്രത്തിനു ശേഷം മിഥുന് സംവിധാനം ചെയ്യുന്ന ചിത്രം എന്ന പ്രത്യേകതയും ഒസ്ലറിനുണ്ട്. ഒരു ക്രൈം ത്രില്ലര് സിനിമയായാണ് ഓസ്ലര് എത്തുന്നത്. ഏറെ ദുരൂഹതകളും സസ്പെൻസുമൊക്കെ നിറഞ്ഞ ഇൻവെസ്റ്റിഗേറ്റീവ് ത്രില്ലറായിരിക്കും വരാന് പോകുന്നതെന്ന സൂചനകൾ അണിയറക്കാർ മുൻപ് നൽകിയിരുന്നു.
എഡിറ്റിംഗ് – സൈജു ശ്രീധർ, കലാസംവിധാനം – ഗോകുൽദാസ്, എക്സിക്യൂട്ടീവ് പ്രൊഡ്യൂസർ – ജോൺ മന്ത്രിക്കൽ, ലൈൻ പ്രൊഡ്യൂസർ – സുനിൽ സിംഗ്, പ്രൊഡക്ഷൻ എക്സിക്യൂട്ടീവ് – പ്രസാദ് നമ്പ്യാങ്കാവ്, പ്രൊഡക്ഷൻ കൺട്രോളർ – പ്രശാന്ത് നാരായണൻ എന്നിവരാണ് മറ്റ് അണിയറ പ്രവർത്തകർ. തൃശൂർ, കോയമ്പത്തൂർ, വയനാട് എന്നിവിടങ്ങളിലായാണ് ചിത്രം ഷൂട്ട് ചെയ്തത്.