ഡിജിറ്റൽ യുഗത്തിൽ ഫോണുകൾ സുരക്ഷിതമായി വയ്‌ക്കുക എന്നത് വളരെയധികം പ്രാധാന്യം അർഹിക്കുന്ന ഒന്നാണ്. നിരവധി ഹാക്കിംഗ് വില്ലന്മാർ നമുക്ക് ചുറ്റും കറങ്ങി നടക്കുമ്പോൾ ഫോണുകൾ സുരക്ഷിതമാണോ എന്ന് എങ്ങനെ തിരിച്ചറിയാം? ഫോണുകൾ സുരക്ഷിതമാണോയെന്ന് അറിയാൻ ഉപയോക്താക്കൾക്കായി ചില രഹസ്യ കോഡുകളാണ് നാഷണൽ ക്രൈം ഇൻവെസ്റ്റിഗേഷൻ ബ്യൂറോ നൽകുന്നത്. ഇതുപയോഗിച്ച് ഫോണുകളുടെ സുരക്ഷിതത്വം നമുക്ക് ഉറപ്പുവരുത്താം..
1. *# 21# ഈ രഹസ്യ കോഡുപയോഗിച്ച് നിങ്ങളുടെ ഫോൺ കോളുകളോ ഡാറ്റകളോ മറ്റേതെങ്കിലും നമ്പറിലേക്ക് ഫോർവേഡ് ചെയ്തിട്ടുണ്ടോ എന്ന് നിങ്ങൾക്ക് അറിയാനാകും.
2. *#0# ഈ രഹസ്യ കോഡിന്റെ സഹായത്തോടെ, നിങ്ങളുടെ ഫോണിന്റെ ഡിസ്പ്ലേ, സ്പീക്കർ, ക്യാമറ, സെൻസർ എന്നിവ ശരിയായ രീതിയിൽ തന്നെയാണോ പ്രവർത്തിക്കുന്നതെന്ന് നിങ്ങൾക്ക് മനസിലാക്കാൻ സാധിക്കും.
3. *#07# ഇതുപയോഗിച്ച് നിങ്ങളുടെ ഫോണിന്റെ റേഡിയേഷൻ വിവരങ്ങൾ മനസിലാക്കുന്നതിന് സഹായിക്കും.
4. *#06# ഈ രഹസ്യ കോഡിന്റെ സഹായത്തോടെ നിങ്ങൾക്ക് നിങ്ങളുടെ ഫോണിന്റെ ഐഎംഇഐ നമ്പർ കണ്ടെത്താൻ കഴിയും. ഫോൺ നഷ്ടപ്പെട്ടാൽ ഈ നമ്പർ ആവശ്യമാണ്. ഇതുപയോഗിച്ച് നിങ്ങൾക്ക് നഷ്ടപ്പെട്ട ഫോൺ എവിടെയുണ്ടെന്ന് കണ്ടെത്താൻ സാധിക്കും.
5. ##4636## ഇതുപയോഗിച്ച് നിങ്ങളുടെ ഫോണിന്റെ ബാറ്ററി, ഇന്റർനെറ്റ്, വൈ-ഫൈ തുടങ്ങിയവയുടെ വിവരങ്ങൾ മനസിലാക്കാൻ സാധിക്കും.
