ഓസ്ട്രേലിയയെ നേരിടാനിറങ്ങുന്ന അഫ്ഗാന് ടീം അംഗങ്ങളെ ഇതിഹാസം സച്ചിന് ടെന്ഡുല്ക്കര് സന്ദര്ശിച്ചു. മുംബൈ വാങ്കഡെ സ്റ്റേഡിയത്തിലാണ് മത്സരം, ഇന്നലെ വൈകിട്ടാണ് താരം സ്റ്റേഡിയത്തിലെത്തി താരങ്ങളുമായി സമയം ചെലവഴിച്ചത്. അഫ്ഗാന് ടീമിന്റെ ഉപദേശകനായ അജയ് ജഡേജയുടെ അഭ്യര്ത്ഥനയിലാണ് സച്ചിനെത്തിയത്. 20 മിനിട്ടോളം താരം സ്റ്റേഡിയത്തിലുണ്ടായിരുന്നു.
ഇതിന്റെ വീഡിയോ അഫഗാന് ബൗളിംഗ് പരിശീലകന് ഹമിദ് ഹസന് സോഷ്യല് മീഡിയയില് പങ്കുവച്ചിട്ടുണ്ട്. പരിശീലകന് ജോനഥന് ട്രോട്ടുമായും സച്ചിന് കൂടികാഴ്ച നടത്തി. അഫ്ഗാന് ക്രിക്കറ്റ് ബോര്ഡ് ചീഫ് മിര്വായിസ് അഷ്റഫ് ടീമന്റെ ഇതുവരെയുള്ള യാത്രയെക്കുറിച്ച് സച്ചിനോട് വിവരിച്ചു.
ഏറെ നാളായി ഈ സമയത്തിനായി കാത്തിരിക്കുയായിരുന്നു, ടീം മുംബൈയിലെത്തിയപ്പോള് അജയ് സര് സച്ചിനെ ക്ഷണിച്ചു. അദ്ദേഹം വന്നതൊരു മികച്ച നിമിഷമായിരുന്നു- നായകന് ഹഷ്മത്തുള്ള ഷാഹിദി പറഞ്ഞു.
ഞങ്ങള് ആദ്യമായാണ് അദ്ദേഹത്തെ കാണുന്നത്. ഞങ്ങളെല്ലാം വളരെ ആകാംഷയിലായിരുന്നു. കാരണം അദ്ദേഹമൊരു ഇതിഹാസമാണ്. അദ്ദേഹത്തെ ടീവിയില് കണ്ട് വളര്ന്നവരാണ് ഞങ്ങള്. ഒരുപാട് താരങ്ങളുടെ റോള് മോഡലാണ് അദ്ദേഹം. മുഴുവന് ടീമിനും ഇതൊരു മനോഹര മുഹൂര്ത്തമായിരുന്നു.-ഹഷ്മത്തുള്ള പറഞ്ഞു.
The God of Cricket, Sachin Tendulker visited Afghanistan training session at Wankhede and shared his valuable experience.#SachinTendulkar #SachinTendulkar𓃵 #Sachin #Wankhede #Mumbai #RohitSharma #ViratKohli #Afghanistan #RashidKhan #AUSvsAFG#AfgvsAuspic.twitter.com/jXs74Rv1em
— Cric trendy (@CricTrendy) November 6, 2023
“>
