മലപ്പുറം: താൻ ആത്മകഥ എഴുതുന്നുണ്ടെന്ന് മുസ്ലിം ലീഗ് നേതാവ് പി.കെ കുഞ്ഞാലിക്കുട്ടി. കെ.എം മാണിയുടെ ആത്മകഥയുമായി ബന്ധപ്പെട്ട മാദ്ധ്യമങ്ങളുടെ ചോദ്യത്തിന് മറുപടി നൽകവെയാണ് താനും ആത്മകഥ എഴുതുമെന്ന് കുഞ്ഞാലിക്കുട്ടി പറഞ്ഞത്. കെ.എം മാണിയുടെ ആത്മകഥയിൽ കോൺഗ്രസിലെ ചില ഗൂഢാലോചനകൾ പ്രതിപാദിച്ചേക്കും എന്ന തരത്തിലുള്ള വാർത്തകളെപ്പറ്റി ചോദിക്കുകയായിരുന്നു മാദ്ധ്യമ പ്രവർത്തകർ.
‘ആത്മകഥ വായിക്കട്ടെ. മാണി സാറും, ഉമ്മൻ ചാണ്ടിയും നമ്മളുമൊക്കെയുള്ള ഒരുപാട് ചാപ്റ്ററുകളുണ്ടല്ലോ. ഞാനും എഴുതുന്നുണ്ട്. അതിൽ മുഴുവനായി പറയാം. ഉണ്ടായതൊക്കെ പറയാം, ബാക്കി വയ്ക്കാതെ പറയാം. ഒരു പുസ്തകമെഴുതുമ്പോൾ ഉള്ളത് ഉള്ളത് പോലെ എഴുതണം. കാരണം നമ്മൾ നമ്മളോട് തന്നെയാണ് സംസാരിക്കുന്നത്’- കുഞ്ഞാലിക്കുട്ടി പറഞ്ഞു.
